Cêr nthuôr txux chi cxuô hair nênhs Sơn La zênhx muôx ntâu tsar zav thiaz cxix cxuô. Iz zav nênhs puôr lênhx muôx têx zav nthuôr txux đros têx kror jông txơưr hlo, lax siz txuôv hâur hur si cxuô hair nênhs têx txux chi ntơưv cxuô hair nênhs nhoz Sơn La. Yar hlo mak pêx xênhv têx cưr cxiax tsuv haik txos têx suôz sênhr, li: Krôngz mê nhuôv, haik côngv suôz, haik pax huôv, haik đax đênhr, haik zâuv hâuk chơưr, phôngv shông yiaz, haik siz lưr hâur têx trôngx yôngz... ntơưv tiz nênhs Poz Ziz, Hmôngz, Cho, Mêx Jênhx.

Têx suôz trax cênhz cưv muôx cxuô zav trax zênhx tâu saiz li mênhx mov ntơưv txux chi cxuô hair nênhs, li: Kênhx, trax blaiv, tra njia, yuôx blôngx, đruôk, đruôk nênhz, tsưz cho, trax cuz tưs, trax flâux tâuz... Pêx xênhv sênhr chêr muôx têx zav khênhr nto mông, li: Sênhr chêr tuôr têk uô vox Poz Ziz tus, đhia kênhx Hmôngz, sênhr chêr cho tsưz tiz nênhs Cho, sênhr chêr “Au Eo”, “Hưn Mạy”, “Tăng Bu”  ntơưv tiz nênhs Poz Thơưx, Maz... Têx zav txux nthuôr no tưz zênhx đros đraiv thiaz cxơưz cxix cxuô cêr uô nênhx ntơưv tsôngv pêx xênhv cxuô hair nênhs yênhx cxênhz tiav nênhx lok txos nhiv no, zos phênhv tsik đrus hâur tsêr txux chi nthuôr sênhr chêr cênhz cưv pêz têz qơưk.

Chia muôx têx jax gra tâu njux plis ntơưv cêr nthuôr txux pêx xênhv tênhx tus, têx fâuv cưk txux ntơưv tsêr haik cưr cxiax tưz tas ntâu đas jos nus, tsov xav, muk txos cias ntơưv qơư, cơưv nus pêx xênhv, yax hlo mak têx nênhs zôngs lês txux, xair têx zav jông hâur cxuô zav tưz nthuôr chia muôz trâu têx jax txux nthuôr jông nhiv no gra suôz saz tiz nênhs tsơưs.

Muôx tsik tsơưs jax txux ntơưv têx cưk txux Tsêr haik cưr cxiax sênhr chêr suôz trax tỉnh tưr tâu zênhx ntơưv têx jâus nthuôr txux thôngz têz qơưk, tsês tâu suôz đror trâu cêr nthuôr txux  tâu cơưv Sơn La, li: Jax sênhr chêr “Hâur đruôz đêx Đuz”, “Lov jêv tok chaix yiaz”, “Kênhx tror kaz”; jax trax ntâuk tiz luz suôz “Kênhx tror”, jax cưr cxiax “Hu hluôs gâux cxov njêk”, “Hluôs gâux kâuv têz Hnuz Pôngz”... Têx jax txux nthuôr jông trơưk cêr cơưv ntơưv têx Tsêr haik cưr cxiax thâuv tưs cux muôx cêr siz khov fiv huv ntơưv pêx xênhv tênhx tus thiaz têx zav jông, siz côngv cxaz njiaz luk jax sâu, cêr xav faz sâu lok sik ntu cxênhx xưv, gra tâu txox pa cêr uô nênhx, tâu têx nênhs saiz shuôk tok txaik.

Zênhx pov muôx, cưr cxiax, sênhr chêr, suôz trax hair nênhs tsơưs tsik so muôx kror nhoz trơưr truôx njês đros six hơưv hnuz nhôngs, zos zav kar nox đênhr siaz tsênhr cov muôx ntơưv tsôngv pêx xênhv, zos iz phênhv zov hâur faz txux chi yênhx cxênhz tiav nênhx ntơưv cxuô zav nênhs tâu tsưx tsês txos têx hnuz no. 

Nhiv no, tỉnh Sơn La taz tov fuô lês Đề án “Txuôs tsês, huôv nzir nux gri cưr cxiax pêx xênhv, sênhr chêr pêx xênhv, suôz trax pêx xênhv ntơưv cxuô zav nênhs tsơưs tỉnh Sơn La đros đraiv huôv tsar nuôv zax” ntu shông 2022-2030. Txix đề án no, ngành taz tov lês têx njiaz luk siz nzuôs đros hâux lưv côngz xưv yênhx shông ntơưv ngành thiaz têx tsưr ziv chia tsik tsês lês cxuô hâux lưv zav kriz nthuôr, lês muôx txus zos tiz nênhs tsơưs tênhx tus trơưk cêr xav cxiv tsa yênhx huv nuôv zax jông txơưr hlo, muôx txiax njis, cxiv kho njux đuôz txux chi Sơn La muôx chia chơư têx kruô tuôx nuôv zax./.