Yênhx tus cưk txux tưz tsês tas cêr nhiav lês trâu yênhx zav txux chi, li: Cêr nthuôr txux pêx xênhv, luk haik, ntơưr sâu, txux chi pêx xênhv, cêr chai xã hội thiaz đaz kruô...Txơưv nhoz saz tưs, zos nênhs đaz tsi mak kror siz xưk ntơưv têx cưk txux puôr lênhx zos siaz nhiav tsik txơưx tas txux chi cênhz cưv, muôx têx tus mal tas tiav nênhx tsov xav, zok nriar, sâu uô yênhx fâu ntơưr yuôz lox tsês hur si txux chi, cêr xav txux chi pêx xênhv trâu tiz nênhs. 

Yax 60 shông nhiav tsov xav thiaz zok nriar txux chi Poz Ziz, cưk txux pêx xênhv Lò Văn Lả, phường Tô Hiệu, Thành phố tưz muôx têx “zav txux” ntâu đros trâu 27 fâu, yax 3.000 jax, jê 17.000 faz sâu uô ntơưr Poz Ziz, txaik uô suôz Poz  Ziz lok sâuv têx đaz nênhs jêx jok, têx sênhr suôz luk tâuv, luk uô cưr cxiax cxaik...Zơưs Lả thav: Kror cur xav lox yax mak sir jos tsov xav txux chi tiz nênhs chia tsưx tsês trâu fâuv hluôs, xênhz lênhx, xênhz nzưr nux gri txux chi đhâu ntâuz ntơưr thiaz ntơưr sâu mênhx pêv tsik zos lav kria kror ndâux, kria têk li đrav ntêx. 

Ntơưv Quỳnh Nhai, trôngx têz muôx cênhz cưv txux chi jông txơưr hlo tsik so tâu tsưx hưv thiaz huôv nzir, tsưx tsês ntâu cêr grâuv pax, grâuv đruôs jông thiaz têx nux gri txux chi txơưr hlo tsuôk muôx hâur thax tsav đêx lox. Chia cov uô tâu têx cêr xav, zuôr tsuv thav txos cêr paz ntơưv têx cưk txux. Nhiv no, huyện muôx 1 tus cưk txux pêx xênhv, 8 tus cưk txux nto mông tưz tâu côngk nhav, đuô li tsênhv muôx 18 tus cưk txux pêx xênhv zos têx nênhs pâuz txux chi têx faz tsik siz thôngx thiaz tsik so tâu tsưx hưv, huôv nzir têx kuz chas txux chi njia tsik pov ntơưv cxuô hair nênhs thax tsav huyện.

Huyện Quỳnh Nhai tsik tsês muôx têx cêr chai nhiax txiax paz txos thiaz cxơưz jos trâu têx cưk txux chia paz trâu hâux lưv tsês, huôv nzir txux chi cxuô hair nênhs. Tsik so kriz lês têx txux chi, nthuôr huôv cưr cxiax sênhr chêr, paz tsa đuô cêr grâuv pax cênhz cưv, lok sik kriz saz lax, têx paz cơưv nzir txux... chia têx cưk txux muôx cêr nthuôr tơưv zuk têx pênhr xưv, fuô kria txux chi, paz têx cưk txux lês jông qơư sơưr lol sâuv kria cêr nhiav txux chi thiaz cxuô fâuv pêx xênhv jông siaz côngv por hưv cxuô zav txux chi.

Zos tus nênhs xav tơưv txux chi, cê zos têx thành viên hâur tsôngv nênhs pêx xênhv qơư nhoz, têx cưk txux tsik so tâu tsôngv nênhs njênhs, saiz hloz. Têx cưk txux, txơưv muôx côngz thiaz tsik muôx, cux trâu siaz xav tơưv, paz max, kria têx suôz cưr cxiax, sênhr chêr, txux chi pêx xênhv... trâu yênhx fâuv xênhz nzưr. Hâur cêr cxiv kho txux chi nhiv no, cưk txux hax zav muôx qơư sơưr zov chênhr, zos têx nênhs trâu siaz paz côngz xưv fuô kria cov pêx xênhv pâuz tso tsês têx zav txux tsik fiv huv, lês têx cêr uô nênhx vav mênhx, côngv têk cxiv tsa ntu nênhx zênhv hnuz zênhv jông đuô./.