Hâux lưv muôx jê 100 cưk txux, nênhs pâuz cưr cxiax pêx xênhv ntơưv têx câu lạc bộ, paz nênhs cưr cxiax sênhr chêr thax tsav phường Chiềng Cơi; têx câu lạc bộ muôx phaz nzưr ntơưv Trung tâm Hâux lưv hluôs nênhs ndêv nduô tỉnh thiaz shuv xênhz, cưk kria Yar cơưv THCS Hua La.

Ntơưv cxiax cxênhv, têx cưk txux, paz nênhs haik cưr cxiax, câu lạc bộ muôx phaz nzưr tưz nthuôr txux sênhr chêr tuôr têk uô vox ndis txux Poz Ziz, têx jax cưr cxiax pêx xênhv tus thiaz têx zav siz côngv đros cênhz cưv thiaz zav yiaz lov jêv, cax siaz, zos txux chi pêx xênhv tus.

Đuô li, cxiax cxênhv tsênhv kriz ntâu hâux lưv li kria sênhr chêr, đhia trơưk suôz cưr cxiax đros trax thôngx siaz, đhia sênhr chêr khoz pak; têx cêr uô si pêx xênhv tênhx tus, li muk tơư nênhk, ntâuk txir toz; tênhz tso têx txux chi Poz Ziz đros tsêr tsar lơưx, chuôz zênhx xuôk têk uô tơưv trơưk cênhz cưv, ntâuz txaix, fuôv txiax... kriz đuô cxuô zav jông txux chi cênhz cưv ntơưv pêx xênhv Poz Ziz.

Txix li têx cêr nthuôr txux lov jêv đrông ntưk, jông yax, cêr txux chi tưz jông cxix cxuô, hâur iz tais cik xưz, cxiax cxênhv choz kria ndis saiz tưz muôx yax 700 tus pêx xênhv thiaz kruô nuôv zax tuôx côngv, cxơưz jos thiaz ndis saiz têx txux chi Poz Ziz. Đhâu ntơư, siz chos saiz hloz txux chi cênhz cưv, yâu mông njux đuôz trôngx têz, tiz nênhs Sơn La, đros ntơư têx hluôs pâz lol sâuv tsưx tsês nux gri txux chi.