Trơưk ntơư, cấp THCS, muôx 1.769 shuv xênhz tuôx tưr, hâur ntơư 811 shuv xênhz tưr tâu, trâu têx môn tưr: Địa lý, lịch sử, ngữ văn, sinh học, toán, luk Anh, vật lý, muôx 32 hov iz, 120 hov oz, 178 hov pêz thiaz 481 hov tov thơưx. Têx đơn vị muôx ntâu shuv xênhz tưr tâu zos: Thành phố muôx 196 shuv xênhz; huyện Mai Sơn 145 shuv xênhz; huyện Mộc Châu 115 shuv xênhz; huyện Phù Yên 73 shuv xênhz …

Đros trâu Jias tưr shuv xênhz coz THPT cấp tỉnh shông cơưv 2023-2024, muôx 2.101 shuv xênhz tuôx tưr; 36 shuv xênhz tâu tưr cias têx môn: Giáo dục công dân, ngữ văn, lịch sử; địa lí, hóa học, vật lí, sinh học, toán, tin học, luk  Anh. Đhâu cxênhz, 1.202 shuv xênhz tưr tâu; hâur ntơư 64 shuv xênhz tưr tâu hov iz, 220 shuv xênhz tưr tâu hov oz, 319 shuv xênhz tưr tâu hov pêz; 599 shuv xênhz tưr tâu hov tov thơưx. Hâur têx shuv xênhz tưr tâu shuv xênhz coz THPT shông no, muôx 36 shuv xênhz tâu tưr cias tsik đhâu oz pêz zav li lưv tus shuv xênhz viv tưr tâu hov coz hâur Jias tưr shuv xênhz coz THPT têz qơưk shông cơưv 2023-2024, lok zos tưr tâu đaiv ntơưr công nhav cơưv tiar luk oz chas têz qơưk txâuk chai ntiax têz.

Trơưk Sở Choz kria ntơưr, Jias tưr xair shuv xênhz coz cấp THCS, THPT, shông cơưv 2023-2024 tâu kriz nhaz xênhz, ntov nti, zos chai, kria mênhx têx đơn vị, lar haik choz kria ntơưr zov chênhr hâux lưv kria thiaz cơưv ntơưr.