Côngv uô nuv muôx thơưx car iz cxia sở, ngành ntơưv tỉnh, têx Ban saiz car dự án cxiv tsa puôz tỉnh. Jâus uô nuv tâuz kriz yưv ti vi txos têx xã, phường muôx dự án fuô lês.

Shông 2026, xav têx nhiax uô nuv têz qơưk thax tsav tỉnh yax 4.768 tiv nhiax, muôx: 3.977,8 tiv nhiax cêr xav pênhr zok shông 2026 thiaz yax 790 tiv nhiax shông 2025 tâu chai truz ntêr hnuz nhôngs lês thiaz muôz nhiax trâu shông 2026. Têx nhiax tâu phaiz trâu 71 tus tsưr cxiv tsa, muôx: 48 UBPX cấp xã, phường, 15 Ban Saiz car dự án cxiv tsa puôz thiaz 8 tus tsưr cxiv tsa txơưr. Txos nhiv no, tas nro tỉnh tưz phaiz mênhx 3.350,853 tiv nhiax, bâuv 70,28% xav hur si têx nhiax cxiv tsa nuv têz qơư. Têx nuv muôz nhiax uô txos hnuz 7/5/2026 nto 1.188,874 tiv đaiv, bâuv 24,93% xav hur si pênhr zok, bâuv 35,48% cêr xav pênhr tưz phaiz mênhx pêv.

Chia muôz sai nhiax cxiv tsa hâux lưv têz qơưk, tỉnh tưz cxiz cov yuôx, kho lês cêr xav pênhr ntơưv iz cxia dự án tưz uô tiar, tsik khov sir zôngv pênhr, dự án kênhz chia muôz trâu têx dự án taz tov fuô lês khov txos pênhr, chok nxiak sir zôngv muôx liv têx nhiax thiaz yôngv siaz tiv tsôngv muôz nhiax.

Fuô luk ntơưv jâus uô nuv, đồng chí Nguyễn Minh Tiến, Phó Chủ tịch UBPX tỉnh, tưz kruôk thiaz sâu nhav têx sir jos ntơưv têx sở, ngành, thax tsav đros têx tsưr cxiv tsa cxiz, yôngv siaz tiv tsôngv muôz nhiax cxiv tsa nuv têz qơưk hâur luz 4/2026. Đồng chí cxiz cov têx sở, ngành, thax tsav thiaz têx tsưr cxiv tsa côngv chox car têx đơn vị lês uô sai, chok nxiak tiv tsôngv muôz nhiax tâu li cêr tuôr xav. Hâur côngz xưv saiz car pênhr, cxênhz yuôx cêr lês txos têx dự án tsik tâu khov sai, kho đuô, sâu tror kaz têx nhiax phaiz tsik zos chai xav chia tuôr xav trâu têx dự án zov chênhr ntơưv tỉnh. Côngv cxênhz, yuôx, zênhx max đơưk têx khuôv đais chia sir jos uô sai cêr xav cxiv tsa nuv têz qơưk. Đros ntơư, cxiz cov lês zos ntâuz ntơưr hlôngr muôz nhiax, cxaz nzir têx cêr xav mênhx pêv trơưk xav pênhr thiaz tsa tơưv têx tuôr tiv trơưk hov ntơưv têx đơn vị chia têx đơn vị taz tov uô tsik tiar lok sik uô kênhz fuô lês, txix ntơư truôx siaz tsik chia tiv tsôngv muôz nhiax tsơưs lâus ntêr hnuz nhôngs.