Dự án Cxiv puôz vax tsê trôngx lôngs đriv têz Chiềng Khương, tỉnh Sơn La, chok nxiak fiv huv Cêr tuôr xav trôngx lôngs đriv têz ar Việt Nam - Lok Tsuôk ntu 2021-2030, xav txos shông 2050; fiv huv cêr xav ntơưv Tuôr xav tỉnh Sơn La ntu 2021-2030, xav txos shông 2050; Tuôr xav hur si cxiv puôz tiv tsôngv 1/2.000 thị trấn Chiềng Khương, huyện Sông Mã (kuz) txos shông 2040 tưz tso lês thiaz kho đuô.

Huôv tsar trôngx lôngs đriv têz Chiềng Khương yênhx thax tsav ndâux cêr muôs huv, lax luôv, nox hâuk đriv têz đros têx zav jông siz luôs thiaz 4 jông fiv. Kriz têx cêr txơưv zênhx thax tsav saz Kaz hnuz pôngz ntơưv tỉnh Sơn La, chia cxơưz paz huôv vav nhiax txiax thax tsav đriv têz, huôv tsar nuôv zax, yôngv siaz txiax njis sir zôngv ar, cêr uô nênhx thiaz por hưv qơư nhoz hur. Uô tiv khơưr fuô lês cxiv puôz têx công trình trơưk chai tsênhv ntơưv trôngx lôngs đriv têz; saiz car thiaz gruô hu têx pênhr cxiv tsa, siz chos tsưx tâu têz qơưk njias to, tsưx truôx vax huôv đriv têz têz qơư, njias to chính trị, siz khov trâus jông ntiax têz, muôx têx phax tar truôx njês têz qơưk hâur thax tsav.

Đros trâu tuôr xav uô cov jông trôngx lôngs đriv têz Chiềng Khương yênhx trôngx lôngs đriv têz ntiax têz, Ban Chỉ huy Tuz lênhv Đriv têz tỉnh tưz chox car têx cơ quan chuyên môn cxênhz yuôx hồ sơ txox chai, tsov xav têx cêr uô ntâuz ntơưr, đros têx sở, ngành, Hải Quan, xã Chiềng Khương thiaz têx đơn vị cik txos cxênhz yuôx, bax têx njiaz luk, cêr khov, paz max côngz xưv tuôr xav mênhx pêv trôngx lôngs đriv têz Chiềng Khương, tỉnh Sơn La.

Fuô luk ntơưv jâus uô nuv, đồng chí Đặng Ngọc Hậu cxiz cov Ban Chỉ huy Tuz lênhv Đriv têz tỉnh thiaz têx sở, ngành cik txos zênhx max uô tiar hồ sơ taix khov chai cxiv tsa, chok nxiak zos chai, piar trâu kiz muôx vax huôv saiz tsov, cov lês. Sir jos uô tiar sai hồ sơ  tuôr xav mênhx pêv chia piar, tso chai lês cxiv tsa dự án Trôngx lôngs đriv têz Chiềng Khương. Cxênhz yuôx, taix khov muôz dự án trâu cêr xav cxiv tsa ntu 2026-2030 thiaz cêr xav shông 2026; ndo njôngr tuôr xav, muôz pênhr nhiax uô cov huv hnuz nhôngs, jông khor; côngv fuô lês côngz xưv yêv qơư đo; côngv hlôngr số, tok txos cxiv tsa trôngx lôngs đriv têz thôngz tsiz.