Jias no, têx thax tsav tưz kria pâuz hâux lưv fuô lês côngz xưv yaik qơư nhoz yiaz trâu têx dự án hâur thax tsav. Mênhx pêv mak, đros trâu phường Tô Hiệu, nhiv no taz tov fuô lês 4 dự án cik txos côngz xưv thuk ar, thêv nhiax ar shôngz ntông, yaik qơư nhoz yiaz, li: Dự án uô tiar txox cêr muk lok jêx jok số 1A, vax pax Yar tiax lox Tây Bắc (ntu txix cầu Trắng txos txox cêr 1A) tưz tso chai lês 18 tsưr ziv thêv nhiax ar shôngz ntông trâu têx ziv nênhs xav hur si zuôr luôs 50 tỷ nhiax; yuôr 10 ziv tsik tâu thêv nhiax ar shôngz ntông, xav hur si yax 2,3 tỷ nhiax. Dự án cxưx nhiax uô yar tiax lox Thax txi Huôz taik Lê Thái Tông, UBPX phường taz tov uô tiar ntâuz ntơưr chia piar HĐPX tỉnh tso tơưv cêr chai thuk 15 ziv nênhs chor ar, tsov xav uô tiar hâur luz hli 3/2026; đros ntơư, cxiv tsa, tso chai lês hâux lưv thêv nhiax ar shông ntông, yaik qơư nhoz yiaz, sir jos lês tiar hâur luz 3 hli txix hli 4- 6/2026.

Dự án cxiv kho, por hưv thiaz cxơưz puôr fênhx Têz qơưk lok six zov chênhr Tsêr tux Sơn La kror muôx gri, nhiv no taz tov moz siaz cxênhz yuôx, sâu tsês cxuô ntâuz ntơưr, têx paz pơưs, ziv nênhs, tus khênhx tsuv yaik muk nhoz yiaz. Uô ntêx mak, cxênhz yuôx 54 ziv nênhs trơưk đồ án tsov xav cxiv tsa tưz tâu tso chai lês; tsov xav lês tiar hâur 3 luz hli txix hli 4-6/2026; cxênhz yuôx cxaz nzir tov kaz đồ án tsov xav cxiv kho tâu Thủ tướng tso chai lês.

Đros trâu Dự án txox cêr tsov xav 16,5m txix Cêr lox số 6 (txox cêr Trường Chinh) txuôk txox cêr 3/2 trâu thax tsav đrôngs An Phú Tsêr kho moz Đa khoa Cuộc sống taz tov moz siaz uô tiar ntâuz ntơưr kria pâuz thor fuô lês cêr chai cxưx nhiax uô dự án; tsov xav uô tiar hâur luz 3 hli shông 2026. Đros ntơư, iz phênhv tưs sâu tsês ntâuz ntơưr, njuôk ar, suôr chuôz tav, uô ntâuz ntơưr thêv nhiax ar shôngz ntông trâu têx ziv nênhs, tus khênhx mas tuôr thênhv txos, piar HĐPX, UBPX tỉnh tso tơưv Nghị quyết thuk ar chia fuô lês dự án hâur luz 3 hli txix hli 4 - 6/2026.

Đros ntơư, cik txos hâux lưv cxiv kho, bax qơư uô côngz xưv ntơưv têx phường trung tâm, phường Chiềng Sinh taz tov uô côngz xưv tsik uô cê ntơưv oz kror qơư đêz yax 4 km, uô trâu côngz xưv chox car njiz ntâu cêr txov nhêv. Phường thor txaik nhav trụ sở Trung tâm Hoạt động thanh thiếu niên tỉnh chia cxiv kho, uô yiaz yênhx trụ sở uô hâux lưv nhoz uô cê trâu Đảng ủy, HĐPX, UBPX thiaz Ủy ban MTTQ phường, xav hur si 50 tỷ nhiax hâur ntu 2026-2027. Đuô li têx phường, taz tov cxênhz yuôx, xair tsov kror qơư fiv huv cxưx nhiax cxiv puô trụ sở, nhav nxiak qơư uô côngz xưv siz luôs jok, paz tâu hâux lưv fuô lês tsưr ziv nov hâu thax tsav 2 cấp nhiv no.

Thơưx car cxuô sở, ngành thiaz thax tsav tưz moz siaz saz lax, đơưk côngz xưv thêv nhiax ar shôngz ntông, yaik qơư nhoz yiaz cêr chor nhov, cik txos hâux lưv hlôngr yiaz cêr chai thâuv fuô lês tsưr ziv nov hâu thax tsav 2 cấp; gri nhiax ar hâur têx ziv nênhs tsik siz thôngx tưz tâu tso chai lês trơưk gri nhiax kuz thiaz gri nhiax yiaz; tsik tâu muôx gri nhiax ar yiaz...

Câuk luk câuk jias uô hâux lưv, đồng chí Hà Trung Chiến cxiz cov têx sở, ngành thiaz thax tsav tror tsik tsês zaz zâuv, gruô hu, đros pêx xênhv thav, chox tâu kror siz chos uô hâur fuô lês têx dự án. Đros ntơư, cxênhz yuôx yênhx dự án, moz siaz đơưk tâu sai têx cêr chor nhov lok sâuv yaik qơư nhoz yiaz, uô tiar ntâuz ntơưr cxưx nhiax uô, nhav nxiak fuô lês tsưr ziv zos cêr tuôr xav. Đros trâu têx cxênhx cxênhv tsênhv tsik tâu thôngz ndâux luk, thor tâu cơ quan chuyên môn kria pâuz, nzor thôngz ndâux luk fuô lês tsưr ziv tưz tso tơưv./.