Shông 2026, xav hur si pênhr cxưx nhiax uô têz qơưk hâux lưv fuô lês hâur thax tsav tỉnh yax 5.420 tỷ nhiax. Txos nhiv no, chor pênhr tưz phaiz mênhx pêv yax 3.568 tỷ nhiax, tâu 65,84%; nhiax pênhr cxưx nhiax uô têz qơưk hâux lưv tâu kênh trâu 64 tsưr muôz nhiax uô, li: 51 UBPX xã, phường, 3 Ban Saiz car dự án cxưx nhiax cxiv puôz thiaz 10 tsưr muôz nhiax uô txơưr. Xav txos hnuz xiaz 10/6/2026 tưz kênh yax 1.725 tỷ nhiax, tâu 31,83% xav hur si tsưr ziv pênhr nhiax zok, tâu 48,34% tsưr ziv pênhr tưz phaiz mênhx pêv. Trơưk Bộ Tài chính cxênhz tâu, muôz nhiax uô hâux lưv ntơưv tỉnh Sơn La sơưr tiv 10/34 tỉnh, thành phố.

Txơưv hâux lưv kênh nhiax uô ntơưv tỉnh siaz đuô fênhx đraz ntơưv hur si têz qơưk, taz sik hâux lưv kênhx nhiax uô tsênhv paz tsik tâu hâux lưv fuô lês tsưr ziv hur si shông, lar haik đros trâu iz cxia nhiax pênhr thiaz iz cxia tsưr muôz nhiax uô tsênhv kênh nhiax tsơưs. Luz cênhz tiv zos côngz xưv bax cxưx nhiax uô, lês tiar cêr chai cxưx nhiax uô trâu iz cxia dự án tsênhv truz ntêr; côngz xưv thêv nhiax ar shôngz ntông, yaik qơư nhoz yiaz ntơưv iz cxia dự án tsênhv njiz ntâu cêr txov nhêv; iz cxia nhiax pênhr txos nhiv no tsik txâuk chai phaiz mênhx pêv, li ntơư tưz tuôr thênhv txos fuô lês hâux lưv thiaz kênh nhiax uô.

Ntơưv jias cơưv, têx tsưr muôz nhiax uô tưz kria pâuz fuô lês thiaz kênh nhiax uô têz qơưk hâux lưv, đros ntơư tso tơưv têx tsưr ziv đơưk cêr txov nhêv, chor nhov, lar haik hâux lưv bax nhiax pênhr paz trâu côngz xưv yaik qơư nhoz yiaz têx dự án zov chênhr taz tov tâu uô trơưk.

Câuk luk jias cơưv, đồng chí Ngyễn Minh Tiến cxiz cov cxuô sở, ban, ngành, UBPX têx xã, phường tror tsik tsês cxênhz yuôx, cxiz njôngr hâux lưv fuô lês yênhx dự án; zênhx max đơưk tâu sai cêr txov nhêv, khuôv đais muôx nzir, thơưx car cơ quan, đơn vị, tsưr muôz nhiax uô hlôngr yiaz phênhv shuôv hâur fuô lês thiaz kênh tsưr ziv pênhr. Moz siaz fuô lês côngz xưv thêv nhiax ar shôngz ntông, yaik qơư nhoz yiaz; tsik tsês zaz zâuv, gruô hu, chox tâu pêx xênhv cêr thôngx siaz, nzor zok ar chia uô tiar hâux lưv. Têx nênhs tâu ntiar uô moz siaz bax tiz nênhs, chuôz zênhx zênhx max uô tiar têx cêr tuôr xav; cxênhz muôz zok sir zôngv, thêv nhiax cias thâuv uô tiar hâux lưv; bluô têx nênhs cxâuv chai, uô kênh tsik zos li ntâuz ntơưr chos.