Jias no muôx thơưx car têx sở, ban, ngành ntơưv tỉnh. Jâus cơưv tâu tso yưv ti vi txos 48 xã, phường tâu zok tsưr ziv pênhr shông 2026.

Shông 2026, xav hur si pênhr cxưx nhiax uô têz qơưk hâux lưv fuô lês hâur thax tsav tỉnh nto yax 4.779 tỷ nhiax. Nhiax pênhr cxưx nhiax uô têz qơưk hâux lưv tâu phaiz trâu 71 tsưr muôz nhiax uô, li: 48 UBPX xã, phường, 15 Ban Saiz car dự án cxưx nhiax cxiv puôz thiaz 8 tsưr muôz nhiax uô txơưr. Txos nhiv no, chor pênhr tưz phaiz mênhx pêv yax 3.362 tỷ nhiax, tâu 70,35%; xav txos hnuz 25/3/2026 tưz kênh thêv tas 358,850 tỷ nhiax, tâu 7,51% xav hur si tsưr ziv pênhr nhiax zok, tâu 10,67% tsưr ziv pênhr tưz phaiz mênhx pêv. Tyv tsôngv kênh pênhr cxưx nhiax uô têz qơưk hâux lưv tsênhv tsơưs, luz cênhz phênhv ntâu mak zos côngz xưv bax cxưx nhiax uô tsênhv kênhz, têx đơn vị, tsưr muôz nhiax uô tsênhv tsik fuô lês ntov nti trơưk li ndâux luk chox car bax cxưx nhiax uô. Gri tro a hâur cêr lax luôv tsênhv nxor hnho tuôr thênhv txos gri nhiax thâux chuôz zênhx muk lok, uô trâu hâux lưv fuô lês, kênhx nhiax uô ntơưv têx dự án sir zôngv pênhr cxưx nhiax uô têz qơưk tsênhv kênhz.  

Ntơưv Jias cơưv, têx tsưr muôz nhiax uô tưz kria pâuz hâux lưv kênh nhiax lês têx dự án cxưx nhiax uô têz qơưk hâux lưv, đros ntơư  tsênhv tso tơưv iz cxia tsưr ziv lok sâuv paz nhiax pênhr yaik qơư nhoz yiaz chia uô dự án txox cêr yêz muk chênhr Hòa Bình – Mộc Châu; tsik tsês uô côngz xưv siz chos lês hâur têx thax tsav hâur yaik qơư nhoz yiaz zênhx max uô tiar dự án txox cêr muk lok hâur tỉnh 120 C ntu nhoz xã Tạ Khoa; thuk nhiax pênhr tas hâux lưv thêv; bax qơư quôr por tsês khâuz cxiv puôz...

Câuk luk Jias cơưv, đồng chí Nguyễn Đình Việt cxiz cov cxuô sở, ban, ngành, UBPX têx xã, phường thiaz cxuô tsưr muôz nhiax uô tror hlôngr yiaz thơưx car vax huôv phênhv shuôv, tưx tsov xav tsưr ziv zênhx max đơưk cov tâu sai têx cêr txov nhêv, khuôv đais muôx nzir hâur ntu fuô lês. Phaiz mênhx phênhv shuôv, tsik tsês tâu kror siz chos uô hâur têx cơ quan đơn vị, thax tsav thiaz uô tiar phênhv shuôv txos yênhx paz nênhs, tus khênhx. Zuôr hâux lưv uô tâu hâur kênh nhiax uô têz qơưk hâux lưv zos iz hâur têx tiêu chí zov chênhr chia cxênhz yuôx hov uô tiar hâux lưv. Têx tsưr muôz nhiax uô zênhx max cxiv tsa tsưr ziv kênhx nhiax uô têz qơưk hâux lưv trơưk yênhx hli, yênhx quý thiaz mênhx pêv trâu yênhx hâux lưv, yênhx dự án uô ntêx hnuz 31/3/2026.

UBPX cxuô xã, phường tsik so lês muôx kaz hâu côngz xưv zaz zâuv, gruô hu chia chox tâu pêx xênhv kror jông siaz côngv đros uô; moz siaz uô tiar hâux lưv cxiv tsa, piar côngz nhav, tso chai lês têx tsưr ziv thêv nhiax ar shôngz ntông, nhiax paz. Têx tsưr muôz nhiax uô chox car chor nênhs tâu ntiar uô moz siaz uô tiar hâux lưv trâu têx đơn vị tưz zok tas ar, kir zôngv uô ntêx thiaz kênh nhiax pênhr; hlôngr đuô nênhs trâu tus nênhs tâu ntiar uô tsik lês trơưk li ntâuz ntơưr chos lok sik uô kênhz, tsês ntêr hnuz nhôngs uô tsik tâu tiar dự án, chia cov têx dự án lês tiar zos cêr tuôr xav. Đros ntơư, cxênhz đuô chia xa pênhr ntơưv têx dự án lês tsik muôx kaz hâu trâu têx dự án zov chênhr, têx dự án kênh nhiax uô muôx kaz hâu. Zênhx max uô tiar têx dự án zov chênhr txox cêr yêz muk chênhr Hòa Bình – Mộc Châu, cêr muk lok hâur đrôngs lox Mộc Châu - Mai Sơn thiaz 13 yar cơưv nội trú đriv têz, têx dự án đơưk cêr phiv liv tiv ntux nas hiav...