Txos hnuz 12/8, xã Mai Sơn tưz uô tâu têx qơư tsês ntơưr đêx ar nto 62.160 njux, hâur ntơư, côngs 1 (zos - txưv - hur - nhoz) nto 39.852 njux; côngs 2 (tưz muôx ntơưr taz si tsik zos-txưv- hur-nhoz) nto 22.308 njux; côngs 3 (thax qơư đo) nto li 5.000 njux. Ntơưv xã Tà Hộc, muôx li 20.334 njux ar, hâur ntơư, côngs 1, côngs 2 tưz muôx têx qơư tsês ntơưr đêx ar nto 18.334 njux; muôx li 2.000 njux côngs 3 tsik tâu njuôk uô bản đồ đêx ar.

Thâuv lês cxiv tsa qơư tsês ntơưr đêx ar thax tsav têx xã njiz chor nhov, khuôv đais: Têx ntơưr khov yuôx, hlôngr uô muôx tsês, uô hur chia txâu chai hlôngr trâu côngs 1 lox; iz cxia hồ sơ đêx ar đhâu ntâu ntu tsênhv tsik txâuk lok sik tsik tâu thôngz pâuz tsênhz hiav txos chor nhov hâur cêr xav yuôx; nênhs paz uô côngz xưv cxiv tsa, saiz qơư tsês ntơưr đêx ar tsơưs. Cêr siz luôs têx qơư tsês ntơưr trâu têx mông đêx ar yuôr ntâu txơưr txar; Kria ntơưr chênhr nhav vax huôv sir zôngv ar hâur têx zuôv, tsik fiv huv đros ntơưr chênhr nhav tưz muôz...

Xã Mai Sơn thiaz Tà Hộc khov UBPX tỉnh moz siaz chox car têx sở, ngành, đơn vị cik txos tsik so côngv, paz nênhs, tsưr ziv đơưk khuôv đais txos têx xã tsik muôx chai kho đơưk (tso tsês chos luk njux ar txơưr txar); paz đơưk ntơưr côngs 2, côngs 3, ntơưr qơư thiaz saiz mông ntơưr njux ar mas zuôv ntơưr chênhr nhav chok nxiak “zos-txưv-hur-nhoz” thiaz zuôv muôx yưv thâuv tso fiv huv hâur têx qơư.

Têx đại biểu côngv saz lax trâu iz cxia njiaz luk: Cêr zok saiz, tuôr tiv mông txix qơư tsês ntơưr; nhiax paz cán bộ cxênhz yuôx, cxiv kho ntơưr tsês đêx ar; cêr côngv xav tâus, uô qơư tsês ntơưr njux ar; côngz xưv kria nzir saiz ntơưr hâur têx qơư...

Fuô luk ntơưv jâus uô nuv, đồng chí Nguyễn Thành Công kruôk txos cêr chox lês cxiv tsa qơư tsês ntơưr đêx ar ntơưv têx xã. Cxiz têx xã côngv yuôx, saiz cxix cxuô ntâuz ntơưr chox car ntơưv têx hloz; phaiz hâux lưv mênhx pêv, đros phênhv shuôv yênhx tus cán bộ thiaz zôngv KPI chia sox saiz , cxênhz cêr lês. Tsik so côngv têx sở, ngành thiaz đơn vị cik txos chia tuôr tiv, thôngz mông; uô sai ntâuz ntơưr, yax hlo mak ntâuz ntơưr ar jôngr thiaz têx njux ar tsik tâu txâuk, khuôv đais mông. Têx sở, ngành ntơưv tỉnh tsik so txiz cán bộ muk kria têx xã đơưk chor nhov hâur fuô lês. Cêr lês tsuv thôngz luk, tsik siz yôngx, sir jos uô tiar saiz ntâuz ntơưr đêx ar hâur qơư trâu zos cêr xav tưz tso tơưv.