Côngv jâus no muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; thơưx car Bộ Chỉ huy Quân sự tỉnh, Sở Nội vụ, xã Sông Mã, Chiềng Khoong, đros têx tuz lênhv thiaz pêx xênhv xã Sông Mã.

Txix li lês hâux lưv tsiv txiax los, saiz hloz, têx đại biểu tưz cxos pax, hlơưr shaz thiaz tsês iz phút nho hâu ndo txiax njis txos têx Anh hùng liệt sĩ tưz tas đas jos, txox sia viv têz qơưk thax zênhz, pêx xênhv uô nênhx zưx fênhx. Tov kaz uô đaz kruôk, mal hưv poz cxa liệt sĩ tưz tâu phâus trâu ntơưv Vax nza Liệt sĩ xã Sông Mã trơưk li cêr chai.

Uô ntêx ntơư, txix li mông zos pêx xênhv kria pâuz, têx nênhs muôx vax huôv tưz mul cxênhz thax tsav tix lâus Đèo Văn Thiêm, jol Cang Kiểng, xã Chiềng Khoong luz vax kror qơư phâus 2 liệt sĩ. Ban Chox car lol sâuv zok nriar, khơưz cxa thiaz njuôk xav xênhv bê poz cxa liệt sĩ tỉnh Sơn La tưz đros UBPX xã Chiềng Khoong gruô hu tuz lênhv, tự vệ xã khơưz, nriar ntơưv qơư tâu njuôk xav muôx nza liệt sĩ. Tov kaz 5 hnuz zok nriar, khơưz mal tưz pov 2 hưv poz cxa liệt sĩ, hâur ntơư muôx poz cxa thiaz chuôz zênhx đros. Têx nênhs muôx vax huôv tưz muôz cxa njuôk xav chia cxênhz ADN cov pâuz mênhx xênhv bê thiaz zok poz cxa trâu xã Sông Mã uô đaz kruôk thiaz phâus.

Viv tsik tâu pâuz mênhx xênhv, bê, qơư nhoz, đơn vị thiaz hnuz nhôngs tas siv nênhx mal 2 hưv poz cxa liệt sĩ tâu phâus trâu Vax nza Liệt sĩ xã Sông Mã chia tok cxênhz pâuz mênhx. Hâux lưv zok nriar, khơưz cxa thiaz njuôk xav xênhv bê poz cxa liệt sĩ zuôr tror tâu têx cơ quan muôx vax huôv fuô lês.