Côngv jias cơưv muôx têx đồng chí trong Thường trực Tỉnh ủy; thơưx car têx vụ hâur têx ban Đảng Trung ương; têx đồng chí Ủy viên Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam tỉnh; thơưx car iz cxia sở, ngành cik txos.

Hâur jias cơưv, thơưx car Văn phòng Tỉnh ủy tưz kria pâuz tsưr ziv sâu ndâux luk côngv trâu têx ntâuz ntơưr tsov xav: Cêr chai uô hâux lưv ntơưv Ban Chấp hành Đảng bộ tỉnh jias tiv 16, ntu 2025-2030 (kho đuô, cxaz nzir); Cêr chai ntơưv Ban Thường vụ Tỉnh ủy lok sâuv kho đuô, cxaz nzir mã bê trâu têx cơ quan đảng tỉnh sâuv mạng mair tính; Kria pâuz côngz xưv chox car ntơưv Ban Chấp hành Đảng bộ tỉnh 9 luz hli, hâux lưv zov chênhr têx hli kaz shông 2026.

Đảng ủy UBPX tỉnh tưz kria pâuz tsưr ziv lês têx cêr tuôr xav 6 luz hli, tuôr xav lês 9 luz hli thiaz hur si shông 2026; hâux lưv lês cêr tuôr xav muôz nhiax lês hâux lưv têz qơưk 9 hli hâu shông 2026, hâux lưv, tsưr ziv lês nuv hâur têx hli kaz shông 2026; hâux lưv lês Dự án txox cêr yêz muk chênhr Hòa Bình - Mộc Châu, ntu hâur thax tsav tỉnh; hâux lưv fuô lês têx dự án cxiv puôz yar cơưv nội trú liên cấp tiểu học - THCS ntơưv têx xã đriv têz hâur hli 9/2026; hâux lưv fuô lês, đơưk têx cêr phiv liv, chor nhov trâu têx dự án; lâux lưv lês Cêr tuôr xav tâu moz siaz txos, côngz xưv cxênhz yuôx têx chiav đêx ar hâur thax tsav tỉnh tâu moz siaz txos...

Đảng ủy UBPX tỉnh cux kria pâuz hâux lưv sâu tsês, têz têx ntâuz ntơưr côngv trâu njiaz luk lok sâuv: cxiz cov tso chai muôz nhiax lês Dự án Pak đêx tênhz điện Nậm Chan, Dự án Điện yar ntux Mường La 3, Dự án Tênhz điện Mường Bằng; fuô lês têx hâux lưv kriz Jias grâuv pax Cà phê Sơn La jias tiv oz shông 2026; cêr chai huôv tsar sâm Việt Nam hâur thax tsav tỉnh Sơn La txos shông 2030, tsov xav txos shông 2045; quyết định tso tơưv Cêr chai thôngx iz trôngs luk têx hâux lưv đros oz chas têz siz khov hâur ndêx ntus chính trị ntơưv tỉnh; tsov xav Ntâuz ntơưr siz khov txix li tỉnh Sơn La thiaz têx tỉnh Thanh Hóa, Điện Biên, Phú Thọ ntu 2026-2030…

Têx Paz cxênhz yuôx trơưk Quyết định số 429-QĐ/TU hnuz 30/7/2026 ntơưv Ban Thường vụ Tỉnh ủy kria pâuz hâux lưv côngv ndâux luk trâu Câuk luk cxênhz yuôx ntơưv thơưx car, chox car lês 5 quy định ntơưv Bộ Chính trị lok sâuv cxênhz yuôx vax huôv phax tar nênhs nox nhiax, uô têx zav tsik jông; hâux lưv lês têx câuk luk cxênhz yuôx têx đảng ủy.

Muôx luk hâur jias cơưv, đồng chí Bí thư Tỉnh ủy zok trâu Văn phòng Tỉnh ủy sâu tsês têx ndâux luk côngv ntơưv têx đồng chí Ủy viên Ban Thường vụ Tỉnh ủy; saz lax cxiv tsa cêr tuôr xav kria pâuz côngz xưv chox car lês hâux lưv 9 hli hâu thiaz lês hâux lưv 3 hli kaz shông 2026, xa trâu Ban Chấp hành Đảng bộ tỉnh.

Đảng ủy UBPX tỉnh chox car UBPX tỉnh moz siaz lês hâux lưv huôv tsar nhiax txiax hâur têx hli kaz shông 2026, tuôr xav ntơư zos hâux lưv zov chênhr; tus thơưx car zuôr tsuv muôx phênhv shuôv trâu têx hâux lưv lês têx chỉ tiêu, hâux lưv tâu zok. Chox car cxuô cấp, ngành đơưk zênhx max têx cêr phiv liv, chor nhov lok sâuv đêx ar, muôz nhiax lês hâux lưv, cxiv puôz thiaz hlôngr uô ntâuz ntơưr têz qơưk, yax hlo zos têx dự án nziv zuôr lês tâu jông hâur shông 2026. Chox car bax cxix cxuô zav, paz zôngx ziv chia lês sai hâux lưv muôz nhiax lês nuv têz qơưk, têx dự án tsuôv cuô, tsưx tsês kôngz, txir nox, muôs hax huv thiaz nuôv zax; sir zôngv tâu jông têx zav muôx txơưv hâur thax tsav chia paz max trâu hâux lưv huôv tsar nhiax txiax hâur têx hli kaz shông. Tror chox car, lês jông hâux lưv tso điện, đros ntơư zuôr tsuv moz siaz huôv tsar nhiax txiax txix li sir zôngv têx tsưr ziv yiaz.

Đảng ủy UBPX tỉnh moz siaz chox car ntov nti, cxix cxuô têx hâux lưv, tsưr ziv chia cov lês sai têx dự án, cxiv tsa cơ sở dữ liệu saiz car đêx ar; zênhx max lês tiar hâux lưv cxiv puôz yar cơưv nội trú liên cấp; moz siaz đơưk têx cêr phiv liv trâu têx dự án njiz ntâu cêr phiv liv, chor nhov tuôr thênhv ntêr hnuz. Fuô lês têx dự án trơưk đraiv cêr chai; tsik tsês cxênhz yuôx, cxiz hâux lưv fuô lês cxuô zav nuv; đơưk zênhx max têx cêr phiv liv, chor nhov muôx yưv hâur ntu lês hâux lưv; muôx phênhv shuôv trâu têx ntâuz ntơưr tưz xa trâu Ban Thường vụ Tỉnh ủy. Tror cxênhz yuôx têx hâux lưv chia cov kriz tâu jông Jias grâuv pax Cà phê Sơn La jias tiv oz cov nhaz xênhz, txuôs sir zôngv, tâu jông.