Jias no, Tà Xùa (Sơn La) tâu kruôk zos kror qơư nuôv zax yiaz nhiv kruôr nto mông jông yax châu Á 2026 thiaz Têz qơưk thax qơư nuôv zax Mộc Châu tror tâu kruôk zos “Kror qơư ntux trâus têz xênhz jông yax châu Á 2026”.

Jias no, zos thơưx jâus Tà Xùa tâu kruôk. Uô ntêx ntơư, luz 7/2026, World Travel Awards tưz fuô mênhx bê têx qơư tâu xair hâur thax tsav châu Á, hâur ntơư Tà Xùa thiaz Ninh Bình zos 2 kror qơư hlôngr njêx muôs trâu Việt Nam tâu xair đros Koh Kood (Thái Lan), Melaka (Malaysia), Morioka (Nhật Bản), por trôngz Sumba (Indonesia) thiaz Taipei (Đài Loan, Trung Quốc) siz tưr.

Têz qơưk thax qơư nuôv zax Mộc Châu, tưz 5 shông siz lơưr lias (txix shông 2022-2026), tâu kruôk luz bê kror qơư ntux trâus têz xênhz jông. Ntơư, cux zos iz jias uô por thơưx muôx txiax njis trâu trôngx têz qơưk nto mông lax trôngz njuôz hur. 

Jias no, zos iz jias công nhav têx đas jos tỉnh Sơn La haik tas nro, xã Tà Xùa thiaz Têz qơưk thax qơư nuôv zax Mộc Châu haik khênhx tưz sir jos njok uô jông tsưx hưv, nthuôr huôv têx txux chi muôx txơưv, por hưv truôx têx cênhz cưv jông thiaz gruô hu nhiax txiax huôv tsar. Tsik tas li, tsênhv zos iz jias chuôz jos lok six zov chênhr chia piar kria têx zav jông Sơn La, yôngv txiax njis nuôv zax, zênhv hnuz zênhv zênhv huôv tsar, paz pêx xênhv muôx hâux lưv uô truôx njês.

Puz huv kruôk World Travel Awards zos luôs hâux lưv tâu lês tsik so muôx txiax njis hâur ntiax têz, tâu pir tav li “Puz huv kruôk Oscar hâur ngành Nuôv zax”, chia kruôk têx qơư nuôv zax thiaz têx nênhs uô lax luôv nuôv zax lês tâu hâux lưv jông yax hâur cêr nuôv zax - so uô si thôngz kaz ntux.