Txox cêr yêz muk chênhr CT.03 đhâu hâur thax tsav tỉnh Sơn La ntêr 179,55 caik, đhâu 18 xã, phường (ntu piz ntơưv txox cêr têz qơưk 43 hâur phường Vân Sơn, txuôk Hòa Bình - Mộc Châu; suôx câuv trâu chiav ar tỉnh Điện Biên, muk trâu Trôngx lôngs Tây Trang). Hâu ntơư, trơưk tuôr xav ntu cêr zuôr muk đhâu xã Tân Yên ntêr zuôr luôs 15,15 caik, tuôr xav muôx 50 zis nhoz hâur txox cêr muk đhâu, zuôr tsuv yaik nhoz trâu qơư yiaz; ntu hâur phường Thảo Nguyên ntêr 10,27 caik, tuôr xav muôx 140 zis nhoz hâur thax tsav, zuôr tsuv yaik nhoz trâu qơư yiaz; ntu hâur phường Vân Sơn ntêr 2,56 caik, tuôr xav muôx 80 zis nênhs thiaz 5 paz pơưs nhoz hâur thax tsav, hâu ntơư 80 zis zuôr tsuv tâu yaik nhoz trâu qơư yiaz; ntu đhâu xã Đoàn Kết ntêr 2,03 caik, tuôr xav muôx 1 zis.

Nhiv no, tỉnh Sơn La taz tov bax cxix cxuô zav chia fuô lês dự án, hâur ntơư moz siaz yaik pêx xênhv nhoz qơư yiaz thiaz bax chuôz zênhx cxiv puôz. Ban Saiz car dự án muôz nhiax cxiv puôz têx cêr yêz tỉnh tưz kria pâuz đaiv ntơưr cok têx qơư txox cêr muk đhâu thiaz cxênhz yuôx têx cêr tuôr xav, sâu ar tror kaz thiaz yaik pêx xênhv nhoz trâu qơư yiaz.

Hâur jias uô hâux lưv, têx đại biểu tưz moz siaz saz lax mênhx têx cêr phiv liv, chor nhov hâur yaik pêx xênhv nhoz đuô qơư yiaz chia lês Dự án CT.03 hâur 4 xã, phường. Ntâu ndâux luk cux thav txos têx qơư lâuz ar, khov cxiv puôz qơư so, tsưr ziv sir zôngv têx chuôz zênhx cxiv puôz. Haik txos yaik pêx xênhv nhoz trâu qơư yiaz, yax hlo zos phường Thảo Nguyên muôx 141 zis pêx xênhv, têx đại biểu khov cov zuôr tsuv muôx cêr tuôr xav mênhx pêv.

Thơưx car UBPX tỉnh thiaz têx sở, ban, ngành tưz sâu tsês, têz têx ndâux luk khov lok sâuv lok sâuv côngz xưv tuôr xav, côngz xưv cxênhz yuôx, đơưk têx cêr phiv liv muôx yưv...

Muôx luk jias uô hâux lưv, đồng chí Lò Minh Hùng cxiz cov Thường trực Đảng ủy 4 xã, phường tuôr xav côngz xưv sâu ar tror kaz chia lês Dự án cêr yêz muk chênhr CT03 zos hâux lưv chính trị zov chênhr, zos faz tsưr ziv chia huôv tsar nhiax txiax - xã hội ntơưv thax tsav; zênhx max tsa tơưv Ban Chox car Hội đồng thêv nhiax, yaik pêx xênhv nhoz đuô qơư yiaz cấp xã chia lês dự án; cxiv tsa cêr chai uô hâux lưv, phaiz hâux lưv mênhx pêv trâu têx thành viên, cxiv tsa thiaz lês cêr tuôr xav uô côngz xưv hâur shông 2026. Chox car cxênhz ntov nti têx ar, chuôz tav, kôngz lông; saiz car ntov nti têx hâux lưv cxiv puôz tsêr nhoz hâur thax tsav lês dự án, têx qơư yaik pêx xênhv nhoz trâu qơư yiaz, qơư lâuz ar, tsik chia sir zôngv ar zuôv chai. Lês jông côngz xưv fuô kria, zaz zâuv pêx xênhv lês trơưk cêr chai Têz qơưk lok sâuv sâu ar tror kaz, thêv nhiax, yaik pêx xênhv nhoz trâu qơư yiaz chia lês dự án.

Đảng ủy UBPX tỉnh chox car đơưk zênhx max têx ndâux luk khov ntơưv 4 xã, phường trơưk đraiv cêr chai, fiv huv têx hâux lưv muôx yưv hâur tỉnh; đros ntơư cxênhz hur si têx chuôz zênhx cxiv puôz ntơưv têx xã, phường muôx txox cêr muk đhâu, tsik chia muôx yưv hâux lưv tsik muôx txâuk chuôz zênhx chia cxiv puôz.

Ban Saiz car dự án uô cêr yêz tỉnh tưz moz siaz siz khov đros têx xã, phường xair qơư cxiv puôz qơư so; fuô lês hâux lưv trơưk vax huôv, siz khov truôx khor đros trâu têx thax tsav chia thôngx iz trôngs luk lês cov tâu zênhx max Dự án CT03.

Uô ntêx ntơư, đồng chí Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh đros Paz côngz xưv ntơưv tỉnh tưz muk cxênhz yuôx thax tsav thiaz mnôngs Ban Saiz car dự án muôz nhiax cxiv puôz têx cêr yêz tỉnh, têx xã, phường kria pâuz hâux lưv bax têx njiaz luk yaik pêx xênhv nhoz trâu qơư yiaz, tuôr xav têx qơư lâuz ar chia lês dự án.