Muk shuôk HTX Kôngz lông hữu cơ Mộc Vân Trang luz vax, têx tsêr vor vak tâu cxưx nhiax uô jông. Tix lâus Hà Văn Tiến, Giám đốc HTX, haik tiak: HTX nhiv no chos 18 ha jâuz cxuô zav; hâur ntơư, muôx 4 ha chos txir lưk suôr, cuô txoz fơưr, jâuz cxaik, plâux, điz trâu đrênhs... hâur tsêr vor ntâuz, tsêr vak, uô car tok đêx zưs... Fênhx đraz iz shông, HTX muôs 500 tấn jâuz, kok, txir cxuô zav, sâu tâu yax 10 tỷ nhiax; fênhx đraz 1 ha têz sâu tâu yax 900 triệu nhiax. Shirr phaz yax mak zênhv hnuz HTX zênhv tok tâu ntâu pưs kruô thiaz chôngz nênhs njênhs zôngv têx hax huv uô tâu, muôx têx ntu têx hax huv uô tâu tsik txâuk muôs.

Iz chas uô kôngz lông, ntâu HTX ntơưv Mộc Châu tưz njuôk tsov huôv tsar nuôv zax, car shênhv têx vax kôngz tok kruô tuôx nuôv zax, ndis uô si. Lar haik mak HTX Lax luôv Nuôv zax kôngz lông Bon Bon, luz vax đar yax 5 ha, HTX tưz xair têx kôngz jông gri lok chos, li: Plâux, phúc bồn tử, sung Mỹ, txir lưk suôr cherry, txir kiar mẫu đơn, chuôz thox hmaz thiaz iz cxia tâuz lox, yênhx iz kror qơư kruô nhiav ndis uô si. Niav lâuk Nguyễn Thị Thảo Linh, Giám đốc shir phaz lus haik: Kruô zênhv hnuz zênhv tuôx nuôv zax chôngz, li ntơư, cur tưz xair chos têx zav tsik muôx kror tưs thôngx lok chos. Cxuô zav txir hmaz txir ntông tâu uô jông tu trơưk đraiv kỹ thuật, cov kruô tuôx ndis uô si tso siaz lus, đê têx txir nox cias ntơưv vax cux nhaz xênhz. Iz hli, HTX tok nto yênhx cxênhz tus kruô tuôx nuôv zax, ndis uô si hâur vax.

Ntơưv Tổ pêx xênhv Vặt Hồng, muôx qơư jông đros trâu têx vax kôngz thiaz ntâu txux chi cênhz cưv jông ntơưv hair Puôz Ziz taz tov huôv tsar nuôv zax jêx jok. Ban Saiz car thiaz pêx xênhv hâur tổ tưz siz chos cxiv tsa txux chi tok kruô nuôv zax Vặt Hồng, muôx 34 qar thaz nzưr, puôr lênhx zôngv shôngz uô, vor blôngx cux zêv, nhoz hâur đruôz đrak liax. Thâuv ndis txos ntơưv no, têx kruô tâu nox têx kar hno zos pêx xênhv nhoz txơưv ntias ntus, li: Mor trax, njêk cxiaz, graix caz pluôz, mor blâuv jak ntâu xiv thiaz têx jâuz, kok hur; tâu côngv nthuôr ntâu tsar txux chi Puôz Ziz. Niav lâuk Hoàng Thị Hồng, Giám đốc haik tiak: Huôv tsar nuôv zax ndis uô si, nthuôr txux chi tưz pov njôngr têx hâux lưv uô nox uô hâuk, lax luôv muôx ntâu hlôngr yiaz, txix thâuv ntêx nhiak uô nhiak zôngv kro mê njik thiaz uô luôv zâu, nhiv no tưz muôx cêr siz paz uô tơưv hax huv ntâu, muôs trâu kruô nuôv zax. Iz chas ntơư, đros têx công ty chox kruô siz khov kriz yênhx tour, zênhv hnuz zênhv muôx kruô tuôx nuôv zax chôngz, paz ntâu lênhx muôx nzir hâux lưv uô, muôx nhiax txiax cxơưz cxiv luz nênhx.

Phường Mộc Châu muôx 26 HTX taz tov uô nox saz kôngz lông, nuôv zax, cxơưz nhiax txiax - xã hội huôv tsar. Đhâu têx HTX, thành viên thiaz Tuz kôngz tâu paz tsưr ziv sir zôngv khoa học công nghệ, piar muôs têx hax huv uô tâu, chuôs tâu cêr lax luôv, iz thênhv jux juk huôv tsar kôngz lông truôx njês.

Trơưk zơưs Lò Minh Hiệp, Phó Chủ tịch UBPX phường Mộc Châu, haik: Paz têx HTX thiaz cxuô qơư tâu txaik pênhr, zôngv khoa học kỹ thuật, siz khov uô lax luôv. Hâur ntơư, paz têx HTX huôv tsar cêr siz khov uô tơưv kôngz lông muôs tâu gri thiaz huôv tsar nuôv zax, cxơưz nhiax txiax - xã hội huôv tsar.

Nthuôr huôv têx zav muôx txơưv lok sâuv huôz chuô, đêx ar thiaz têx qơư nuôv zax jông đros trâu ntâu tsar txux chi, têx HTX hâur thax tsav phường Mộc Châu taz tov iz thênhv jux juk huôv tsar kôngz lông trơưk cêr lax luôv, nuôv zax. Têx qơư uô tơưv nhiax txiax ntâu taz tov paz trâu têx kôngz jông gri, pêx xênhv muôx nzir hâux lưv uô thiaz piar kria trôngx têz qơưk Mộc Châu trâu kruô nuôv zax cxuô qơư.