Tas nro tỉnh nhiv no muôx 955 HTX, hâur ntơư 786 HTX taz tov uô nuv, muôx 684 HTX kôngz lông. Têx HTX iz thênhv jux juk huôv nzir qơư sơưr kriz cêr uô tơưv, tsa yênhx qơư uô tơưv, siz khov đros tsêr luôv thiaz cêr pâur muôs. Đros trâu hlôngr yiaz faz kriz uô tơưv, ntâu HTX tưz iz truôv jux juk zôngv chuôz zênhx số trâu saiz car, tâus tâu qơư uô tơưv, yâu mông thiaz pâur muôs huv.

Txos nhiv no, muôx 63 HTX tâu paz muôz mã số kria qơư chos; têx HTX tâu paz ntâu yax 20 triệu nhiax cxiv tsa têx zav tâus tâu qơư txix lok ntơưr tem điện tử QR code; tâu kria sir zôngv phênhv đruôz máy saiz uô tơưv, phênhv đruôz máy xav nhiax. Tas nro tỉnh muôx 70 zav huv kôngz txir tâu muôz tso hâur yar buudien.vn, 60 zav huv lês trâu yar sonla.sanviet.vn.  Taz sik, phênhv ntâu HTX tsênhv tsik tâu lox; pênhr xưv saiz car nhiax nênhs, hlôngr số, cxiv tsa bê lax luôv thiaz siz khov pâur muôs tsik tâu siz luôs.

Ntơưv jâus thav, têx đại biểu siz nus, saz lax txos saiz car nhiax nênhs jông, hlôngr số, cxiv tsa bê kôngz lông đros nuôv zax tox trôngz hâur pêk; zôngv AI, hlôngr yiaz chuôz zênhx chia yôngv siaz txiax njis thiaz cêr siz tưr ntơưv HTX; tsik so siz khov, huôv tsar HTX truôx njês. Têx HTX, tuz kôngz thiaz cơ quan chuyên môn nus têx khuôv đais hâur cêr hlôngr yiaz uô tơưv, tso tơưv têx faz lês car nhiax nênhs, chuôz zênhx, cêr pâur muôs thiaz siz khov uô tơưv, pâur muôs.

Cêr thav chuôz paz chia têx HTX tâu saiz txux chi, tsưr ziv thiaz faz zôngv trâu cêr tsênhz mênhx; tsik so txuôk chuôs têx cơ quan chuyên môn, tsêr luôv, iz thênhv jux juk yôngv siaz pênhr xưv car nhiax nênhs, sir jos hlôngr số, cxiv tsa bê lax luôv, kriz đar cêr pâur muôs thiaz yôngv siaz gri kôngz txir Sơn La.