Jias grâuv pax Cà phê Sơn La jias cơưv tiv oz shông 2026 tuôr xav tâu kriz hâur hli 10 ntơưv Yar tiax lox Tây Bắc. Txos nhiv no, côngz xưv bax kriz Jias grâuv pax taz tov moz siaz lês cov tiar. Tuôr xav 13 zav hâux lưv, li: Kriz ciaz muôs hax huv; Siz thav đros trâu njiaz luk “Huôv tsar cà phê truôx njês”; siz khov pâur muôs hax huv cà phê; Siz tưr đhia Marathon “Arabica Sơn La”; Jias tưr “Arabica Sơn La Master Cup”; Tuv têz đuôz jông “Cà phê Sơn La”; Nhtuôr txux chi sênhr chêr muôx njiaz luk “Arabica Sơn La”; Jias tưr tuz kôngz lês hâux lưv coz thiaz kruôk têx zis chos cà phê coz...Côngz xưv bax taz kruô, por hưv njias to thax tsav thiaz têx hâux lưv txơưr tưz tâu têx đơn vị cik txos siz khov cxiv tsa tsưr ziv uô ntêx kriz, hâur jias kriz thiaz tov kaz kriz ias grâuv pax.

Têx đại biểu tưz moz siaz saz lax lok sâuv nhiax txiax thiaz nênhs lês hâux lưv; hâux lưv kriz jias piz lês, uô tiar dự án jov cà phê kaz; côngz xưv siz khov kriz têx hâux lưv; fuô mông, por hưv cêr nyiaz hur, por hưv cêr nhaz xênhz uô ntêx kriz, hâur jias kriz thiaz tov kaz kriz Jias grâuv pax...

Côngz xưv fuô mông Jias grâuv pax Cà phê Sơn La jias tiv oz shông 2026 tâu moz siaz lês. Txix hnuz 16/6 txos nhiv no, Báo thiaz Xor tôngx chuô, xa đuôz Sơn La tưz fuô yax 550 lưv xor mông, đuôz, video clip; lês jông côngz xưv bax cxix cxuô zav chia kriz têx hâux lưv hâur Jias grâuv pax.

Muôx luk hâur jias cơưv, đồng chí Nguyễn Minh Tiến, Phó Chủ tịch UBPX tỉnh, tưz kruôk txos kror moz siaz sir jos ntơưv têx sở, ban, ngành, đơn vị hâur fuô lês têx hâux lưv kriz Jias grâuv pax. Đros ntơư cxiz cov têx đơn vị tror lês trơưk đraiv cêr tuôr xav tso tơưv. Zov chênhr zos cxiv tsa mênhx pêv têx hâux lưv kriz Jias grâuv pax; moz siaz fuô mông, fuô kria têx đuôz, côngz bê cà phê Sơn La txos trâu pêx xênhv, kruô nuôv zax. Công an tỉnh, Bộ Chỉ huy Quân sự tỉnh tưz moz siaz cxiv tsa cêr tuôr xav mênhx pêv chia por hưv njias to thax tsav; siz khov por hưv tsav yêz tâus cêr nhaz xênhz, phax tar hluôr tơưk cuz tơưs. Văn phòng UBPX tỉnh siz khov đros Trung tâm Fuô kria hax huv thiaz Nuôv zax tỉnh cxiz lês têx hâux lưv; zênhx max kria pâuz têx cêr phiv liv, chor nhov chia saz lax, đơưk cov tâu sai. Têx xã, phường cik txos lês jông têx hâux lưv tâu zok, yax hlo zos cxiv puôz sai ntu cêr yêz 1A thiaz vax pax Yar tiax lox Tây Bắc, tsi njênhk lês tiar chia cov muôx cxix cxuô zav chia kriz Jias grâuv pax.