Hla trâu chiv sâu txir, sâuv têx têz cà phê ntơưv phường Chiềng Cơi, pêx xênhv siz tưr đê têx luz txir siar liaz vos đrông ntưk. Ntơưv Tổ 8, muôx 221 ha cà phê, xav fênhx đraz chiv cà phê no sâu tâu txix 10-12 tấn txir nhôngk/ha. Tix lâus Nguyễn Xuân Phao shir phaz haik pâuz: Ziv nênhs muôx 5 ha cà phê, viv pâuz tsưr ziv chos hâur ntâu shông đros têx chuôz zênhx yiaz tâu cơưv txix jias cơưv ntơưv phường kriz, têz cà phê shông no muôs tâu 25.000 nhiax/chiaz, ziv nênhs xav zuôr sâu tâu 1,2 tỷ nhiax.

Muôx vax huôv lok six zov chênhr hâur siz chos huôv tsar thiaz uô luôv cà phê ntâu yax hâur phường thiaz hâur tỉnh, HTX Cà phê Bích Thao Sơn La tổ 8, phường Chiềng Cơi nhiv no muôx yax 60 ha cà phê hov jông nôngz THA1 chos trơưk cxênhv cxênhv hữu cơ. Đros ntơư, HTX tsênhv đros yax 800 ziv nênhs thiaz têx HTX hâur tỉnh cxiv tsa thax tsav chos đar yax 1.000 ha; nzuôr thiaz kra kruôr txix 60-80 tấn cà phê nôngz/hnuz hmo chia muôs trâu oz chas têz. Zơưs Nguyễn Xuân Thao, Giám đốc HTX, kria pâuz: Luz 7 hli nhiv kruôr đhâu, HTX tưz tâu Pênhr Thiện Tâm paz 1 tỷ nhiax chia cxưx nhiax zuôr chuôz zênhx jông, paz 25 ziv nênhs txov nhêv thiaz 50- 60 lênhx muôx hâux lưv uô. Chiv cà phê 2026 - 2027, tsov xav HTX zuôr muôs tâu txix 2.000 - 4.000 tấn cà phê nôngz, hâur ntơư 120 tấn cà phê hov jông trâu têx têz qơưk Đức, Mỹ, Anh, Nhật Bản, Hàn Quốc.

Ntơưv jok Ót Dầu, zos thax tsav chos cà phê zov chênhr hâur phường, jok muôx 377 ziv nênhs chos cà phê xav hur si đar yax 315 ha. Tix lâus Lèo Văn Hường, Hâu jok, kria tiak: Tâu kror uô jông paz ntov nti ntơưv phường hâur kria pâuz tsưr ziv chos, pêx xênhv tưz tso siaz cxưx nhiax uô, por hưv, kriz đar têz chos cà phê. Txix chos cà phê, xav fênhx đraz iz toz hâu nênhs hâur jok tưz sâu tâu yax 150 triệu nhiax/shông.

Chia hlôngr yiaz cà phê kror muôx gri sâuv iz đaiv têz, UBPX phường Chiềng Cơi tưz siz chos fuô lês siv tsưr ziv cxiv kho têz cà phê fiv huv đêx ar huôz chuô txơưr txar xav hur si đar 1,5 ha ntơưv jok Ót Dầu; kria pâuz txuôs jông hâux lưv tir tar đêx cuôr car, kriz têx jias kria pâuz tsưr ziv vâuv qir vi sinh, sir zôngv qir fiv huv, por hưv cà phê thiaz cxiv kho liax têz trâu yênhx puô tus kôngz nhoz têx tổ, jok. Lar haik, phường tưz kria tuz kôngz pâuz chos cà phê txâuk chai Cxênhx cxênhv tir tar nênhs ruôr hiav jôngr ntơưv Liên minh Châu Âu (EUDR)... Txos nhiv no, hur si phường tưz cxiv kho đuô 43 ha thiaz chos yiaz, cxaz nzir yax 10 ha.

Chia xav tơưv têx nôngz cà phê jông paz max trâu hâux lưv huôv tsar, nhiv no hâur thax tsav phường muôx 3 kror qơư tâu puz ntơưr công nhav muôs zuz ntông cà phê jông, li: Vax vâuv zuz đar 0,5 ha (2.500 zuz ntông TN1) nhoz tổ 9 Hôm Yên; vax vâuv zuz đar 0,2 ha (1.000 zuz ntông TN2) hâur  jok Hùn ntơưv Trung tâm Tsov xav thiaz Huôv tsar har jôngr Tây Bắc; vax vâuv zuz nôngz Catimor SLA (1.200 tsoz) ntơưv HTX Zuz ntông Chiến Thắng ntơưv tổ 8.

Thav txos tsov xav huôv tsar cà phê truôx njês hâur ntu zuôr txos, zơưs Đoàn Xuân Thi, Phó Chủ tịch UBPX phường Chiềng Cơi, kria pâuz: Uô ntêx mak sir jos txos kaz shông 2026, phường zuôr đros HTX Cà phê Bích Thao uô tiar ntâuz ntơưr thor UBPX tỉnh công nhav thax tsav huôv tsar kôngz lông sir zôngv chuôz zênhx jông. Iz chas ntơư, đros têx ngành muôx vax huôv siz chos cxênhz yuôx, cxiv tsa têx qơư chos txâuk chai tir tar nênhs ruôr hiav jôngr ntơưv  Liên minh Châu Âu (EUDR).

Đros ntơư, phường tsênhv sir jos txos shông 2030, xav fênhx đraz zuôr sâu cov tâu txix 200-250 triệu nhiax cà phê/ha/shông; chos yiaz ntu 2026-2030 tâu yax 250 ha; moz siaz huôv tsar thax tsav chos cà phê yuôx zêx Arabica truôx njês trơưk faz siz chos uô hâur tuz kôngz - HTX – tsêr luôv; tsik tsês huôv tsar cà phê trơưk cêr txơưx fiv- chuôz zênhx jông, kriz đar têz chos cà phê hov jông, cà phê tâu công nhav hữu cơ, 4C, RA đros trâu tu jông por hưv đêx ar huôz chuô nyiaz hur; tror kria tsưr ziv uô nox yiaz trâu tuz kôngz cơưv shâuv thiaz uô trơưk.

Têx tsưr ziv uô siz luôs jok txix nov hâu đros kror tưx tsov xav hâux lưv uô ntơưv pêx xênhv thiaz têx HTX taz tov zos qơư chuôz zov chênhr chia thax tsav chos cà phê Chiềng Cơi muôx côngz bê nto mông, tsik tsês hlôngr yiaz muôx gri thiaz huôv tsar truôx njês.