Côngv jias cơưv, tỉnh Sơn La muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx paz đại biểu Quốc hội tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; têx đồng chí Ủy viên Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; thơưx car iz cxia ban, sở, ngành ntơưv tỉnh Sơn La.

Saz tỉnh Lào Cai muôx đồng chí Dương Quốc Huy, Ủy viên Ban Chấp hành Trung ương Đảng, Bí thư Tỉnh ủy; têx đồng chí Thường trực Tỉnh ủy; Ủy viên Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; thơưx car têx ban, sở, ngành ntơưv tỉnh Lào Cai.

Ntu 2021-2025, oz tỉnh Sơn La thiaz Lào Cai tưz moz siaz siz khov thiaz tưz lês tâu ntâu zav hâux lưv txâuk kruôk. Hâux lưv siz khov txix li têx cơ quan, ban ngành oz tỉnh tưz tâu lês jông; têx cơ quan tưz cir ntâuz ntơưr chos luk siz khov thiaz tsik tsês kriz têx paz côngz xưv chia cơưv shâuv tsưr ziv. Siz khov fuô lês têx hâux lưv chia cxênhz yuôx têx qơư siz khov chia ndis shuôk uô si txix Hà Nội, Thành phố Hồ Chí Minh thiaz têx tỉnh Tây Bắc.

Tỉnh Lào Cai tưz moz siaz paz muôz têx hax huv kôngz, txir nox, hax huv OCOP ntơưv Sơn La muôs ntơưv têx siêu thị, têx thaz nzưr thiaz têx qơư tuv hax huv hâur tỉnh; đros ntơư paz muôs muk trâu têz qơưk Trung Quốc. Siz khov sir zôngv tâu jông 8 ntu cêr ntơưv tỉnh Sơn La muk trâu Lào Cai. Yax hlo, zos kror moz siaz siz khov, siz trâus jông, siz hluz siz paz, hâur têx shông 2023, 2024 thiaz 2025, Ủy ban MTTQ Việt Nam oz tỉnh tưz siz paz chia đơưk têx cêr phiv liv viv mas ntux nas hiav.

Muôx luk jias taz Paz côngz xưv tỉnh Sơn La, đồng chí Bí thư Tỉnh ủy Lào Cai thaik mênhx: Hla trâu ntu nênhx yiaz, txix li têx hâux lưv muôx nhiv no zuôr paz kriz đar ntâu faz tsưr ziv chia muôs hax huv đhâu trôngx lôngs đriv têz ntơưv Lào Cai thiaz têx hâux lưv huôv tsar nuôv zax Sơn La, oz tỉnh zuôr tsuv moz siaz siz khov txix li cxuô zav hâux lưv, paz max lês jông hâux lưv huôv tsar nhiax txiax ntơưv oz thax tsav. Tỉnh Lào Cai chos luk zuôr đros đraiv tỉnh Sơn La lês cxuô luz luôs hâux lưv; moz siaz siz thav, siz chos đơưk têx cêr phiv liv, siz chos lês ntov nti, tâu jông têx njiaz luk tưz tâu thôngx iz trôngs luk.

Muôx luk hâur jias cơưv, đồng chí Bí thư Tỉnh ủy Sơn La tưz uô tsâus txos hâux lưv taz paz côngz xưv ntơưv thơưx car tỉnh Lào Cai. Đros ntơư, tỉnh Sơn La puôr lênhx tuôr xav hâux lưv siz khov đros tỉnh Lào Cai zos iz hâur têx faz tsưr ziv zov chênhr chia nthuôr huôv tâu jông têx zav muôx txơưv chia huôv tsar nhiax txiax puôk tsar zav sai thiaz truôx njês ntơưv oz tỉnh, paz zov chênhr chia huôv tsar ntơưv thax tsav thiaz têz qơưk.

Chia cov lês Ntâuz ntơưr ndo njôngr, tỉnh Sơn La khov cov tỉnh Lào Cai moz siaz paz, siz khov đros tỉnh Sơn La hâur huôv tsar cxix cxuô têx cêr yêz muk lok hâur thax tsav; cxiv tsa cêr chai cxơưz paz chia muôs têx hax huv kôngz, txir nox ntơưv tỉnh Sơn la đhâu trôngx lông ntiax têz hâur thax tsav tỉnh Lào Cai. Siz khov nuôv zax đhâu tỉnh txix li têx zav muôx txơưv hâur thax tsav lok sâuv tôx trôngz, hâur pêk thiaz têx txux chi, iz thênhv jux juk  cxiv tsa tâu qơư nuôv zax txơưr hlo  "Txox cêr muk trâu Tây Bắc": Sa Pa - Bắc Hà - Nghĩa Lộ - Mù Cang Chải - Mộc Châu - pak đêx tênhz điện Sơn La - Điện Biên, đhâu ntơư paz huôv tsar nuôv zax jông txơưr hlo thiaz truôx njês, chuôz jos zov chênhr chia huôv tsar nhiax txiax - xã hội ntơưv thax tsav. Moz siaz siz khov cxix cxuô hâur saz khoa học công nghệ, hlôngr yiaz tsưr ziv lês hâux lưv thiaz hlôngr pâur số đros trâu huôv tsar kôngz lông, nuôv zax thiaz logistics; sir jos lês jông têx hâux lưv fuô kria hax huv hâur thax tsav; kria pâuz têx tsưr ziv chia kriz đar qơư uô lax luôv...Đhâu ntơư, paz oz tỉnh hla đhâu cêr phiv liv, huôv tsar sai thiaz truôx njês hâur ntu 2026 - 2030.

Ndax jias no, tỉnh Sơn La thiaz tỉnh Lào Cai tưz cir ntâuz ntơưr chos luk siz khov ntu 2026-2030, têx njiaz luk zov chênhr li: Oz thax tsav zuôr thôngx siaz khov cov Trung ương saz lax, tso chai muôz nhiax cxiv puôz txox cêr yêz muk chênhr Sơn La - Lào Cai, sir jos piz lês uô ntêx shông 2030; uô ntêx hlo zos cxênhz, kho đuô têx ntu cêr txix li 2 tỉnh, kriz đar qơư huôv tsar nhiax txiax ntơưv tỉnh, yax hlo zos hâur saz logistics, nuôv zax txix li têx zav muôx txơưv jông lok sâuv tox trôngz, hâur pêk thiaz txux chi, cênhz cưv; siz khov huôv tsar cxuô zav hâux lưv, por hưv đêx ar, huôz chuô nyiaz hur...Lok sâuv muôs hax huv muk trâu oz chas têz, oz tỉnh thôngx iz trôngs luk khov txo tsơưs ntâuz ntơưr chia muôs têx kôngz txir nox ntơưv Sơn La ntơưv têx trôngx lông Lào Cai; cxiv tsa cêr chai kria pâuz dữ liệu sâuv mạng ntơưv têx qơư cxênhz yuôx chia lês tâu jông hâux lưv kria pâuz uô ntêx têx hâux lưv phiv liv li đêx cuôr, đêx nhaz thiaz tox poz ntơưv têx thax tsav...

Uô ntêx ntơư, têx đồng chí hâur côngz xưv ntơưv tỉnh Sơn La thiaz tỉnh Lào Cai tưz muk ndis shuôk dự án tsêr nhoz xã hội Bình Minh Tây Bắc (nhoz hâur khu đô thị Yên Bái Riverside).