Chox car jias cơưv muôx đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban Chox car côngz xưv tôn giáo tỉnh. Đros muk muôx thơưx car iz cxia sở, ban, ngành ntơưv tỉnh thiaz têx xã nhoz Cụm số 2.

Nhiv no, hur si tỉnh Sơn La muôx 67 xã thax tsav pêx xênhv hair nênhs tsơưs thiaz tox siaz, hâur ntơư 66 xã nhoz thax tsav lok six txov nhêv (tox siaz). Cụm số 2 muôx 9 xã: Sông Mã, Chiềng Khương, Chiềng Khoong, Huổi Một, Mường Lầm, Chiềng Sơ, Bó Sinh, Nậm Ty, Mường Hung.

Jâus no, thơưx car Sở Dân tộc thiaz Tôn giáo tưz kria pâuz xor mông hâux lưv huôv tsar nhiax txiax- xã hội, têx kror uô tâu hâur lês cêr chai hair nênhs tsơưs, tôn giáo thiaz cxuô cêr chai yiaz. Hâur 8 hli shông 2026, tỉnh tror lês têx hâux lưv têz qơưk; phaiz nhiax zôngv Trung ương ntu 2026-2030 chia uô têx dự án paz trâu thax tsav pêx xênhv hair nênhs tsơưs thiaz tox siaz. Hâux lưv 1719 tâu zok xav hur si tsưr ziv pênhr yax 5,8 tỷ nhiax, txos luz 8 hli shông 2026 tưz kênh yax 4,9 tỷ nhiax, tâu 84,84%.

Tov kaz cxiv kho thôn, jok, hur si tỉnh muôx 2.168 nênhs tâu pêx xênhv njênhs. Têx cêr chai tâu fuô lês cxix cxuô, zênhx max; hâur 8 hli tưz puz 24.152 số báo trơưk chaix, 4.336 số báo zov chênhr thiaz 10.840 đaiv Báo Dân tộc thiaz Phát triển, xav hur si yax 1 tỷ nhiax; tror cxiv kho tsêr đos đis, xâu nas, paz uô tsêr nhoz thiaz nhiax trâu nênhs tâu paz cêr chai.

Hâux lưv tín ngưỡng, tôn giáo hâur thax tsav tỉnh phênhv ntâu fuô lês ntov nti cêr chai thiaz Hiến pháp. Têx nênhs lâuk, hâu jok, lês hâux lưv tôn giáo thiaz nênhs tâu pêx xênhv njênhs moz siaz fuô kria Đảng, têz qơưk cêr chai; gruô hu pêx xênhv tsưx truôx thax tsav, cêr, ndêx chiv đriv têz nhoz njias to, chox tâu cêr thôngx siaz thiaz siz khov Việt Nam- Lok Tsuôk.

Jias no, têx đại biểu tưz kria pâuz tsưr ziv huôv tsar nhiax txiax- xã hội, cxuz cêr yaiz pluôs, cxiv tsa jêx jok yiaz, txuôs jông cxuô hair nênhs txux chi; tsưx truôx thax tsav đriv têz nhoz njias to thiaz lês jông côngz xưv tôn giáo. Đros ntơư, zuôr ntâu ndâux luk ntơưv cơ sở chia hlôngr yiaz muôx kaz hâu côngz xưv hair nênhs tsơưs, tôn giáo hâur ntu nênhx yiaz nhiv no.

Fuô luk chox car jias cơưv, đồng chí Cuôv Xênhv Tsaz tưz kruôk têx kror sir jos uô tâu ntơưv cxuô tus nênhs tâu pêx xênhv njênhs Cụm số 2; cxiz cov têx thax tsav tror chox tâu pêx xênhv cxuô hair nênhs cêr thôngx siaz, lês muôx kaz hâu cêr chai hair nênhs tsơưs, tôn giáo thiaz têx hâux lưv têz qơưk. Tsik tsês zaz zâuv, gruô hu pêx xênhv fuô lês ntov nti cêr chai, uô jông chênhz phax têx hâux lưv nzaz nzơưv hâux lưv hair nênhs tsơưs, tôn giáo chia uô têx kror tsik jông; tsưx truôx thax tsav, cêr, ndêx chiv đriv têz nhoz njias to, tsik tsês tir tar têx nênhs cxâuv. Cxơưz nênhs tâu pêx xênhv njênhs vax huôv hâur pâuz mênhx thax tsav, zaz zâuv, gruô hu thiaz zênhx max tu tiar tâu sai pêx xênhv cêr khov vav txix cias cơ sở.

Uô jông mnôngs thiaz lês trơưk ndâux luk chox car, Phó Chủ tịch UBPX tỉnh Đặng Ngọc Hậu nhav nxias tỉnh zuôr lês muôx kaz hâu têx ndâux luk khov ntơưv đại biểu; đros ntơư cxiz cov cxuô cấp, ngành, thax tsav tror cxơưz nênhs lês hâux lưv tôn giáo, nênhs tâu pêx xênhv njênhs vax huôv zaz zâuv, gruô hu pêx xênhv cxuô hair nênhs uô jông chênhz phax thiaz thôngx siaz; moz siaz huôv tsar kôngz lông, hlôngr yiaz nôngz kôngz chos nôngz tsiax cxu zus, cxuz cêr yaiz pluôs truôx njês; tsưx truôx thax tsav nhoz njias to thiaz cxiv tsa cêr chai ndêx ntus chính trị cơ sở thax tsav đriv têz đơưz hur truôx njês.

Ndax jias no, Tỉnh ủy, HĐPX, UBPX, Ủy ban MTTQ Việt Nam tỉnh  krưr 14 hnaz huv trâu đại biểu zos nênhs lês hâux lưv tôn giáo thiaz nênhs tâu pêx xênhv njênhs hâur thax tsav pêx xênhv hair nênhs tsơưs nhoz têx xã Cụm số 2.