Côngv jias cơưv muôx têx đồng chí: Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh, Thơưx Ban Chox car côngz xưv tôn giáo tỉnh; Đặng Ngọc Hậu, Phó Chủ tịch UBPX tỉnh; thơưx car têx sở, ban, ngành ntơưv tỉnh; thơưx car Đảng ủy, UBPX, Ủy ban MTTQ Việt Nam têx xã; têx đồng chí bí thư chi bộ, hâu jok, thơưx ban lês côngz xưv Mặt trận.

Hur si tỉnh muôx 67 xã muôx pêx xênhv hair nênhs tsơưs thiaz tox siaz nhoz, hâu ntơư 66 xã zos xã thax tox siaz, đêz đrôngs. Cụm số 1 muôx 4 xã đriv têz Sốp Cộp, Púng Bánh, Mường Lạn thiaz Mường Lèo. Hâur têx shông đhâu, têx nênhs lês hâux lưv tôn giáo thiaz nênhs tâu pêx xênhv njênhs tưz nthuôr huôv jông qơư sơưr zos têx nênhs kria cấp ủy, nov hâu têx cêr chai txos trâu pêx xênhv; moz siaz fuô kria, zaz zâuv pêx xênhv lês trơưk Đảng, Têz qơưk têx cêr chai; côngv por hưv njias to thax tsav đriv têz, cxiv kho hur si cxuô lênhx pêx xênhv thôngx siaz thiaz bôngs nzir cêr thôngx siaz, siz trâus jông txix li têz qơưk Việt Nam - Lok Tsuôk.

Hâur jias cơưv, têx đại biểu tưz saz lax, kria têx tsưr ziv jông hâur huôv tsar nhiax txiax puôk tsar zav cov truôx njês, cxiv tsa jêx jok yiaz, tsưx truôx, por hưv têx txux chi, cênhz cưv jông ntơưv hair nênhs; đros ntơư kria pâuz pêx xênhv txox cêr nyơư, khov tso tơưv têx tsưr ziv lês jông công xưv dân tộc, tôn giáo ntơưv thax tsav.

Muôx luk hâur jias cơưv, đồng chí Cuôv Xênhv Tsaz tưz kruôk txos têx cêr paz ntơưv têx nênhs lês hâux lưv tôn giáo, nênhs lâuk, hâu jok, nênhs tâu pêx xênhv njênhs trâu hâux lưv huôv tsar ntơưv tỉnh. Đồng chí cxiz cov têx thax tsav tror cxiv kho cêr thôngx siaz cxuô hair nênhs; lês jông têx cêr chai dân tộc, tôn giáo thiaz têz qơưk luôs hâux lưv; moz siaz fuô kria, zaz zâuv pêx xênhv lês jông cêr chai têz qơưk, chênhr phax tsik lês trơưk têx luk hâuz nxiak. Đros ntơư, tsưx truôx thax tsav đriv têz nox, nhoz njias to, phax tar nênhs cxâuv; moz siaz đros oz chas têz siz khov; cxiv kho ndêx ntus chính trị ntơưv thax tsav, nthuôr huôv tâu jông qơư sơưr ntơưv têx nênhs tâu pêx xênhv njênhs, tu zênhx max pêx xênhv hâur thax tsav têx ndâux luk khov.

Hlôngr njêx muôs UBPX tỉnh, đồng chí Đặng Ngọc Hậu, Phó Chủ tịch UBPX tỉnh, sâu tsês đồng chí Phó Bí thư Tỉnh ủy ndâux luk chox car thiaz têx đại biểu ndâux luk khov. Đồng chí zok trâu Sở Dân tộc thiaz Tôn giáo sâu tsês, saz lax, têz trơưk đraiv cêr chai; đros ntơư siz khov kriz đar têx qơư lês tâu hâux lưv jông hâur thax tsav tỉnh hâur ntu zuôr txos.

Ndax jias no, Tỉnh ủy, HĐPX, UBPX, Ủy ban MTTQ Việt Nam Tổ quốc tỉnh tưz puz 26 poz huv trâu nênhs tâu pêx xênhv njênhs, nênhs uô hâux lưv tôn giáo hâur thax tsav têx xã.