Côngv jias uô hâux lưv muôx têx đồng chí: Lường Thị Vân Anh, Ủy viên Ban Thường vụ Tỉnh ủy, Thơưx ban Nội chính Tỉnh ủy; Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; đros nênhs hlôngr njêx muôs thơưx car, chuyên viên Ban Nội chính Tỉnh ủy, Văn phòng Tỉnh ủy thiaz thơưx car têx phòng chuyên môn hâur 3 đơn vị.

Hâur jias uô hâux lưv, thơưx car têx đơn vị tưz kria pâuz côngz xưv phax tar nênhs nox nhiax, uô têx zav tsik jông hâur 9 hli hâu shông 2026. Cấp ủy, thơưx car 3 cơ quan tưz fuô lês ntov nti têx cêr chai ntơưv Trung ương thiaz ntơưv tỉnh; sir jos uô ntêx lông lês hâux lưv jông trâu sơưr đơưk cơưv shâuv, lês ntov chai thiaz paz max uô nuv zênhx max trâu pêx xênhv. Đros ntơư, lês trâu sơưr đơưk pov njôngr, ndax ndênhk hâur saiz car, sir zôngv têx nhiax; tsik tsês cxênhz yuôx, lês ntov têx cêr chai cik txos.

Cấp ủy, thơưx car têx đơn vị moz siaz cxênhz yuôx hâur zuk cơ quan, thax tsav; moz siaz lês jông hâux lưv taz pêx xênhv, tu têx ntâuz ntơưr thiaz tsik pov muôx yưv hâux lưv phiv liv. Đros ntơư, moz siaz saz lax đơưk têx cêr phiv liv trâu têx dự án; muôz têx tsêr nhoz tsik sir zôngv tov kaz cxiv kho đuô têx qơư uô hâux lưv lok sir zôngv muôx liv. Hâur jias uô hâux lưv, têx đại biểu tưz saz lax, kria mênhx luz cênhz thiaz kria pâuz iz cxia tsưr ziv chia đơưk têx cêr phiv liv, chor nhov.

Muôx luk jias uô hâux lưv, đồng chí Lò Minh Hùng cxiz cov cấp ủy têx cơ quan, đơn vị lês jông qơư sơưr, phênhv shuôv ntơưv tus thơưx car hâur chox car côngz xưv phax tar nênhs nox nhiax, uô têx zav tsik jông; moz siaz cxênhz vax huôv, sir jos tir tar têx nênhs cxâuv chai; cxiv tsa cêr tuôr xav lês 5 cêr chai lok sâuv cxênhz yuôx vax huôv fiv huv trâu yênhx đơn vị.

Haik txos Văn phòng Paz đại biểu Quốc hội thiaz HĐPX tỉnh, zuôr tsuv cxênhz yuôx ntov nti vax huôv hâur saz lax cxiv tsa cêr chai thiaz tso tơưv nghị quyết. Ban Saiz car dự án Muôz nhiax uô têx công trình dân dụng, công nghiệp thiaz huôv tsar đrôngs tỉnh cxênhz, phaiz têx dự án, yax hlo zos dự án kênhz, tưz kho ntâu jâus; cxênhz yuôx ntov nti têx dự án, kho đuô nhiax chia lês hâux lưv cov fiv huv. Sở Cxiv puôz lês jông hâux lưv cxênhz yuôx dự án; siz khov đơưk têx cêr phiv liv, chor nhov lok sâuv tuôr xav, đêx ar, muôz nhiax cxiv puôz, yaik pêx xênhv nhoz qơư yiaz; saz lax lês cov sai têx dự án tuôr thênhv ntêr hnuz.