Coz nas hâur har jôngr têx hnuz đhâu, uô trâu txox cêr cxênhz yuôx ndêx chiv đriv ntơưv xã đriv têz Phiêng Pằn ho bluô, muk lok txov nhêv đuô. Chox tuz lênhv đriv têz muk tsênhv muôx tix lâus Tsu Xênhv Shôngx, thành viên Tổ tưx saiz car cêr njias to jok Ta Lúc. Tix lâus Tsu cê muk cê thav: Đros tuz lênhv cxênhz yuôx, por hưv ndêx chiv đriv têz zos pêx cêr njênhs njôngr shir phaz. Hâur jias muk cơưv lok sik muk uô liax têz hâur yênhx hnuz, pov tâu tus nênhs txơưr lok zos muôx têx zav txơưr trơưk oz saz ntus cêr đriv têz mak pêz tưz zênhx max kria cias trâu Zênhx Đriv têz côngv pâuz.  

Zênhx Đriv têz Phiêng Pằn tâu zok saiz car zuôr luôs 6,8 caik đriv têz đros muôx 4 tus ndêx chiv đriv têz hâur thax tsav xã Phiêng Pằn. Thax tsav đriv têz đêz đar, muôx ntâu tox trôngz hâur pêk siaz, ntâu txox cêr mê, khênhr pov yưv têx nênhs nzaz nzơưv uô luôv zax zênhz, huv txưr lok sik hla đriv têz tsik zos chai. Thiếu tá Lê Văn Ngữ, Trạm trưởng Trạm Saiz car Đriv têz Phiêng Pằn, haik pâuz: Têx nênhs uô luôv zax zênhz khênhr nzaz nzơưv tox trôngz hâur pêk siaz chia uô luôv. Hâur ntu uô hâux lưv taix nus cán bộ, chiến sĩ tsuv txơưx njê thiaz khov vav truôx khor trâu têx xor xưv tâu txaik lok ntơưv pêx xênhv  chia zênhx max tir tar, ruôr yêv.

Viv tâu pêx xênhv zênhx max kria pâuz thiaz fuô lês têx tsưr ziv, hâux lưv siz luôs jok, txix shông 2025 txos nhiv no, đơn vị tưz nzor pâuz, cxov tâu 2 txuz đros 6 tus nênhs cxâuv chai. Đros trâu hâux lưv tir tar têx nênhs cxâuv, côngz xưv ntuôk pêx xênhv tâu Zênhx Đriv têz Phiêng Pằn tsov xav zos tsưr ziv tsuv uô ntêr shông. Txix hâu shông txos nhiv no, đơn vị tưz siz chos kriz 12 jias fuô kria cêr chai trâu 1.421 tus nênhs mnôngs; phaiz 17 đảng viên muk cơưv trâu 17 chi bộ jok nhoz puôz đriv têz, paz 46 ziv pluôs; txuôs jông muôx kaz hâu 4 tổ tưx saiz car cêr, ndêx chiv đriv têz muôx 183 ziv nênhs côngv lês.

Txiax njis txix têx hâux lưv uô tâu ntơưv cơ sở, tưz paz pêx xênhv hlôngr yiaz cêr xar. Tix lâus Thông Xênhv Lux nhoz jok Đen, muôx iz ntu viv txov nhêv, tsik pâuz xar tưz mnôngs luk têx nênhs fêv đas nziak, xar hla đriv têz tsik zos chai trâu têz qơưk Lok Tsuôk chia pâur jos. Nzor pâuz mênhx, đảng viên đriv têz saiz car jok đros chi bộ tưz tuôx cias hâur tsêr siaz ntêr kria pâuz têx cêr chai thiaz cxuô kror tsik jông, paz nưk tso tsês cêr xar. Cán bộ Zênhx tsênhv kria nưk pâuz tsưr ziv zus nhux sha mê nhuôv, paz zuz ntông chos huôv tsar nhiax txiax ziv nênhs. Tix lâus Thông shir phaz thav: Cán bộ đriv têz haik lok six zos, hla đriv têz tsik zos chai cê tas nhiax cê tsênhv riaz nênhs. Tav siv no cur tưz tso siaz uô nox, uô hâuk trơưk li tuz lênhv kria pâuz, nhiax txiax ziv nênhs tưz truôx njês đuô. Cur tưz pâuz cxuô cêr chai lơưv, mak zuk tsuv kria trâu cưr tix nênhx tsa côngv pâuz tsik cxoz cxâuv chai lơưv. 

Txix kror xar tâu uô tiar ntơưv yênhx tus pêx xênhv tưz paz trâu yênhx thax tsav muôx pêx xênhv nhoz chôngz đriv têz luz nênhx nhaz xênhz. Zơưs Lường Văn Phong, Hâu jok Nà Ớt, kria pâuz: Viv tâu cán bộ zênhx tsik so zaz zâuv, pêx xênhv tưz pâuz cxuô cêr chai. Txuz hâuk chơưr tuôr thênhv txos cêr njias to, tuz nxaik hluôk siz zuôr nzor đrav ntêx nhiv no tưz grêk lơưv ntâu. Lar haik, pov têx nênhs txơưr oz saz ntus cêr đriv têz mak tsuv kria cias trâu ban saiz car jok thiaz Zênhx Đriv têz côngv pâuz chia tir tar zênhx max.   

Cxênhz yuôx lok sâuv cêr siz ndơưs, siz paz, đồng chí Lò Đức Ngọc, Chủ tịch UBPX xã Phiêng Pằn, nhav nxias: Kror siz chos lês hâur Zênhx Đriv têz Phiêng Pằn thiaz cấp ủy, nov hâu xã tưz paz thax tsav muôx ntâu hlôngr yiaz. Hâux lưv fuô kria cêr chai txos yênhx ziv nênhs tưz paz tsưx truôx thax tsav nhoz njias to, tso tsês têx cêr chai kuz, tsik fiv huv ntu nênhx yiaz nhiv no, txix ntơư chuôz jos chia thax tsav moz siaz fuô lês têx hâux lưv têz qơưk, huôv tsar nhiax txiax-xã hội thiaz por hưv pêx xênhv luz nênhx hlôngr yiaz.

Txix têx hâux lưv uô tâu mênhx pêv, siaz ntêr thiaz lês tiar phênhv shuôv, tuz lênhv đriv têz ntơưv no tsênhv niax hnuz đros pêx xênhv tsưx truôx đriv têz nhoz njias to. Kror thôngx siaz, siz hluz siz paz hâur pêx xênhv thiaz tuz lênhv zuôr zos qơư chuôz chia Zênhx Đriv têz Phiêng Pằn por hưv truôx njês đriv têz nhoz njias to./.