Côngv jâus no muôx đồng chí Quàng Văn Hương, Phó Chủ tịch Hội đồng Dân tộc ntơưv Quốc hội, Đại biểu Quốc hội tỉnh; têx thành viên paz sox njuôk; thơưx car têx sở, ngành ntơưv tỉnh.

Xã Mường La tsa tơưv txix li tso lol uô cê thị trấn Ít Ong thiaz têx xã Nặm Păm, Chiềng San, Chiềng Muôn, Mường Trai, Pi Toong. Tov kaz sâu uô cê, qơư lês nuv têz qơưk tưz uô tâu truôx njês, tsik tu; têx cơ quan, đơn vị tâu cxênhz hur si trơưk faz mênhx chai, hâux lưv, yôngv siaz txiax njis, saiz car têz qơư.

Trung tâm Paz max hành chính công xã lês 400 lưv ciz ntơưr hành chính nhoz 73 faz,siz luôs đros têx kria mông uô ntơưr hành chính cấp tỉnh, Kror  trôngx uô nuv têz qơư thiaz VNeID. 100% hồ sơ, têx nuv uô ntơưr hành chính tâu số hlôngr trơưk chai xav. Xã lês trơưr qơư uô “Hnuz thứ 7 tsik muôx cêr đrus- Uô têx ntơưr hành chính trâu pêx xênhv”, kriz paz nuv ntơưv 21 jok, taz nhav 803 hồ sơ; paz, kria ntơưr uô ntâuz ntơưr  thiaz nuv uô pov njôngr trâu 686 lưv tus pêx xênhv, xuz paz nênhs muôx hnuz nhôngs, nênhs tsik zênhx txênhv thiaz muk lok txov nhêv.

Côngz xưv taz pêx xênhv, tu ntơưr siz pênhr, siz cov, luk khov tâu lês trơưk chai. Txix thâuv lês qơư uô nuv nov hâu thax tsav 2 cấp, Chủ tịch UBPX xã tưz taz 45 jâus đros 50 lưv pêx xênhv, cik txos 45 txuz hâux lưv; tsik muôx yưv chôngz nênhs. Xã taz nhav 48 tsaz ntơưr, muôx 1 tsaz ntơưr siz pênhr, 2 tsaz ntơưr đis pênhr thiaz 45 tsaz ntơưr khov; hâur ntơư 43 tsaz ntơưr tâu vax huôv tu. Txos nhiv no, tưz tu tas 38 tsaz ntơưr, taz tov tu 5 tsaz ntơưr.

Xã Mường La tưz khov Chính phủ thiaz Bộ Nội vụ uô tiar kriz lês nuv têz qơưk cấp xã, saiz tsov phaiz Phòng Văn hóa - Xã hội yênhx Phòng Văn hóa - Xã hội thiaz Phòng Nội vụ. Khov HĐPX tỉnh kho đuô phaiz zôngv tsik so nhiax têz qơưk shông 2027 fiv huv qơư nov hâu thax tsav 2 cấp; đros ntơư, tsov xav yôngv nhiax paz kriz Hnuz gruôv pax thôngx siaz cxuô zav nênhs ntơưv têx jok, tiểu khu, yax hlo mak têx thax tsav muôx yax 200 ziv pêx xênhv tov kaz kho đuô, sâu uô cê.

Fuô luk ntơưv jâus sox njuôk, đồng chí Hoàng Ngân Hoàn kruôk txos têx hâux lưv xã Mường La uô tâu hâur lês qơư nov hâu thax tsav 2 cấp. Đồng chí cxiz cov xã tror yuôx kriz qơư lês nuv têz qơưk, qơư uô nuv, tuôr xav cán bộ fiv huv, yax hlo mak têx chuyên môn toz; tsik so choz kria, yôngv siaz pênhr xưv cán bộ, công chức; kho đuô qơư lês hâux lưv têz qơưk cov muôx liv. Đros ntơư, sir jos hlôngr ntơưr hành chính, hlôngr số, zuôr pêx xênhv uô đruôz đros; yôngv siaz uô ntơưr hành chính, cêr chuôs nuv têz qơưk; kho đuô chuôz zênhx tsik jông, thax tsav xor tôngx tsik muôx jos, tsik so số hlôngr thiaz kriz sir ntâuz ntơưr. Paz cxênhz yuôx tưz sâu hur si têx luk khov ntơưv xã, fuô trâu kiz muôx vax huôv saiz tsov, paz tu.