Jâus no muôx têx thành viên Ban tổ chức kriz Hnuz grâuv pax cà phê Sơn La jâus tiv oz shông 2026, thơưx car cxuô sở, ban, ngành ntơưv tỉnh, têx xã, phường.

Hnuz grâuv pax Cà phê Sơn La jâus tiv oz shông 2026 tsov xav tâu kriz hâur luz 10 hli ntơưv Yar tiax lox Tây Bắc. Txos nhiv no, côngz xưv bax têx kror txâuk chai txix ntâuz ntơưr fuô txos kriz hnuz grâuv pax, cêr bax huv sir, txos têx tsưr ziv tsưx truôx cêr nhoz njias to, tsav yêz muk lok nhaz xênhz, kho moz thiaz chaz điện. Kriz ciaz nthuôr muôs "Cà phê Sơn La - Siz txuôk cêr muôx gri, huôv tsar truôx njês" xav hur si muôx 240 qar tsêr huv, 140 tsêr luôv, hợp tác xã sâu bê côngv nthuôr. Muôx têx hâux lưv zov chênhr, li: Hov tưr đhia Marathon “Arabica Sơn La”; tưr tor đêx, ciz thiaz hâuk đêx cà phê kaz; Saz lax hlôngr yiaz cà phê; siz chos uô lax luôv; ndis shuôk “Coffee Farm Experience”; Jias tưr Tuz kôngz coz thiaz nthuôr têx đuôz, zênhx zav cà phê Sơn La jông taz tov tâu zênhx max bax cov tiar.

Côngz xưv fuô kria Hnuz grâuv pax Cà phê Sơn La jâus tiv oz shông 2026 tâu tso tơưv tsik tsês trâu têx hov báo chí thiaz cxênhx cxênhv số. Txix hnuz 16/6 txos nhiv no, Báo thiaz Xor tôngx chuô, xa đuôz Sơn La tưz tso tơưv yax 550 xor mông, đuôz, zênhx zav; đros ntơư tsênhv xav tơưv jax đuôz kria pâuz thax tsav chos, tu jông, muôx gri txux chi thiaz xênhz txơưv huôv tsar cà phê Arabica Sơn La.

Jâus no, cxuô đại biểu tưz saz lax têx cxênhx cxênhv cik txos ntâuz ntơưr fuô, tsưr ziv xav tơưv qơư kriz; nhiax txiax, tiz nênhs; côngz xưv siz chos bax têx kror txâuk chai kriz Hnuz grâuv pax chia nhav nxias fuô lês hâux lưv zos li tsưr ziv tso tơưv.  

Câuk luk jias cơưv, đồng chí Chủ tịch UBPX tỉnh haik mênhx, Hnuz grâuv pax Cà phê Sơn La jâus tiv oz shông 2026 tsuv uô li chak chia cxuô kror qơư côngv pâuz, yôngv siaz bê lax luôv Arabica Sơn La nto mông, đros trâu cxưx nhiax uô, cxơưz cêr lax luôv thiaz huôv tsar nuôv zax. Têx sở, ngành, thax tsav zênhx max uô tiar cxiax cxênhv, ntâuz ntơưr fuô thiaz têx kror txâuk chai kriz; cxiv tsa tour ndis shuôk thax tsav chos cà phê đros têx qơư, hax huv nuôv zax; nhav nxias por hưv jông cêr nox nhoz njias to, tsav yêz muk lok nhaz xênhz, kho moz, por hưv cêr huôz chuô nyiaz hur. Đros ntơư, tsik tsês fuô kria sâuv báo chí, cxênhx cxênhv số thiaz ntâu zav luk, paz huôv tsar đêz đar bê lax luôv Arabica Sơn La.