Yar cơưv nội trú TH-THCS Mường Hung hur si nhiax lês hâux lưv yax 251 tỷ đaiv, muôx 30 qar cơưv; têx qar tsêr lês hâux lưv, qơư nhoz, tsêr nox mor, tsêr đa đêx, yar tiax uô si thiaz têx hâux lưv txơưr. Txos nhiv, têx hâux lưv tưz lês tiar 98%; sir jos lês tiar uô ntêx hnuz 14/9. Haik txos Yar cơưv nội trú TH- THCS Chiềng Khoong, nhiax cxiv puôz tas yax 258 tỷ đaiv, têx hâux lưv tưz lês tiar 94%; sir jos uô tiar uô ntêx hnuz 19/9/2026.

Đros trâu hâux lưv cxiv puôz, têx xã thiaz yar cơưv tưz bax cxuô zav chia kriz cơưv ntơưr, nox nhoz hâur yar cơưv trâu shuv xênhz. Shông cơưv 2026 - 2027, Yar cơưv nội trú TH- THCS Mường Hung muôx 48 cán bộ, cưk kria, 1.050 shuv xênhz, hâu ntơư 1.023 shuv xênhz nhoz nội trú thiaz 27 shuv xênhz bán trú; Yar cơưv nội trú TH - THCS Chiềng Khoong muôx 62 cán bộ, cưk kria, nênhs uô hâux lưv, 1.002 lênhx shuv xênhz. 

Hâur jias cxênhz yuôx, têx xã cxiz cov tsưr cxưx nhiax, têx nênhs uô hâux lưv cxiz nênhs, sir zôngv hur si mair, chuôz zênhx chia lês cov sai têx hâux lưv tsik tâu tiar; cxaz nzir chuôz zênhx tsik tâu muôx txâuk trâu yar cơưv. Khov cov têx sở, ngành saz lax muôz nhiax đhok kê tênhz điện yar ntux trâu cưk kria thiaz shuv xênhz sir zôngv.

Muôx luk jias cxênhz yuôx, đồng chí Cuôv Xênhv Tsaz cxiz cov tsưr cxưx nhiax thiaz têx nênhs uô hâux lưv cxiz nênhs, sir zôngv hur si têx mair, chuôz zênhx chia lês têx hâux lưv tsik tâu uô tiar, zênhx max muôz lok sir zôngv; têx thax tsav, yar cơưv moz siaz bax cxuô zav chuôz zênhx, têx cưk kria chia kriz choz kria ntơưr, uô mor trâu shuv xênhz nox. Đồng chí Cuôv Xênhv Tsaz haik mênhx: Hâux lưv lês tiar thiaz muôz lok sir zôngv têx yar cơưv zuôr paz trâu têx shuv xênhz hair nênhs tsơưs tâu cơưv shâuv, nox nhoz hâur yar cơưv yiaz, hur si, muôx cxuô zav chuôz zênhx, paz lês tâu jông hâux lưv choz kria thiaz cơưv ntơưr.