Trơưk fuô ntơưv Sở Tài chính thiaz Cục Thống kê, têx điện uô tơưv 6 hli hâu shông ntơưv tỉnh tâu 5,28 tỷ kWh, kil đuô li 6,1% njuôl li tsov xav. Ntơư zos luz cênhz cxơưz paz tsar nhiax GRDP 6 luz hli hâur shông tsuôk tâu 5,1%, kil đuô 0,92 điểm phênhv puô njuôk cêr xav. Txix têx tưr thair ntơư, tỉnh cxênhz yuôx, kho đuô cêr xav chia uô tiar tsar nhiax GRDP tas nro shông 2026 tâu 8%.

Chia uô tâu cêr xav tsar nhiax 8% shông 2026, ntơưv jâus cơưv têx đại biểu tưz saz lax, taix khov kho đuô cêr xav fiv huv yênhx ngành, yênhx faz: Kôngz txir lês truôx njês têx ntông nox txir, cà phê, yuôx zêx, zus tsiax; ndo njôngr phax, tar ntux hiav, caz moz; sir jos côngv têx zav muôx gri txix qơư chos txos jov tsês thiaz pâur muôs. Công nghiệp tsi njênhk hâux lưv uô tơưv uô luôv ntơưv têx tsêr luôv lox, yax hlo mak faz uô tơưv điện thiaz jov kôngz txir; zênhx max đơưk chor nhov chia kriz ntâu điện uô cxuô zav.

Uô sai thiaz muôz nhiax trâu têx dự án zov chênhr, cêr yêz, đrôngs, sir jos uô tiar cêr xav shông 2026. Cxơưz cêr sir zôngv đruôz đros, huôv tsar lax luôv điện tử; kriz muôx liv têx cêr, qơư nuôv zax (Mộc Châu, Vân Hồ, Tà Xùa, pak đêx điện Sơn La); uô jông têx qơư so nhoz, nox hâuk. Chox car muôz nhiax sir tsik so ntov chai, txuôs sir; côngv nhiax paz trâu cêr uô nênhx yar ntux xã hội, choz kria, kho moz, txơưx fiv chuôz zênhx thiaz hlôngr số.

Câuk luk jâus cơưv, đồng chí Nguyễn Đình Việt cxiz cov thơưx têx cơ quan, đơn vị côngv sir jos tias, uô tiar têx cêr xav huôv tsar nhiax txiax- xã hội shông 2026. Zok trâu Sở Tài chính saz lax trâu UBPX tỉnh uô tiar báo cáo Thường trực, Ban Thường vụ Tỉnh ủy txos cêr xav tsar nhiax txix hli 7 txos hli 9, txix hli 10 txos hli 12 thiaz tas shông 2026; Cục Thống kê tsik so cxênhz kria ntâuz ntơưr têx faz trâu thơưx car tỉnh paz max chox car lês nuv.

Xav li têx sở, ngành: Faz kôngz lông, sir jos tsar 5,5%; yuôx ntơưr uô tâu têx huv muôx gri siaz li cà phê, tsiax đêx; tsik tsês saiz car tso chai kriz têx côngr uô zav cxiv puôz chia truôx njês tus gri, siz chos cxênhz tâu chỉ số CPI. Saz Công Thương uô nuv đros công ty điện đêx chia đơưk chor nhov; cxiz têx dự án tưz uô tiar nzor tso điện txix hli 10 txos hli 12. Kho hlôngr tsưr ziv ntâuz ntơưr trâu têx dự án điện trur tsêr; saiz cxix cxuô số muôs cxuô zav huv trâu luôs têz qơưk thiaz muôs kôngz txir trâu têx ntâuz ntơưr. Saz cxiv tsa yuôx hur si dự án, công trình nziv uô tiar trâu shông 2026; côngv cxiz têx dự án cêr yêz, đrôngs, têx zav nuv lox nqa muk đêz đar chia paz côngv tsar nhiax hur si; zênhx max đơưk têx khuôv đais muôx yưv. Hok saz Txux chi, Kho moz, Choz kria ntơưr nzor kriz jâus uô nuv chuyên đề đros cơ quan cxênhz kriz chia xav mênhx têx nuv zov chênhr, paz trâu huôv tsar nhiax txiax - xã hội ntơưv tỉnh...