Côngv jâus no muôx têx đồng chí: Lường Thị Vân Anh, Ủy viên Ban Thường vụ Tỉnh ủy, Thơưx ban Nội chính Tỉnh ủy, Lưv Thơưx Ban Thường trực Ban Chox car phax tar nênhs nox nhiax têz qơưk, xuôv nhiax, uô têx zav tsik jông tỉnh; thơưx car, chuyên viên Ban Nội chính Tỉnh ủy, Văn phòng Tỉnh ủy đros têx đồng chí hâur Thường trực Đảng ủy 5 xã.

Ntơưv jâus uô nuv, thơưx car têx xã fuô kria têx côngz xưv phax, tar nênhs nox nhiax têz qơưk, xuôv nhiax, uô têx zav tsik jông txix hli 7 txos hli 9 thiaz 9 luz hli hâu shông 2026. Ntu đhâu, Đảng ủy têx xã Mai Sơn, Chiềng Mai, Chiềng Mung, Phiêng Cằm thiaz Mường Chanh tưz côngv chox car cxênhz hur si qơư chox lês nuv têz qơưk, tuôr xav cán bộ, công chức tov kaz sâu uô cê; tsik so cxênhz yuôx vax huôv đros côngz xưv phax, tar nênhs nox nhiax têz qơưk, xuôv nhiax, uô têx zav tsik jông; zênhx max fuô kria, têx cêr chai ntơưv Đảng, Têz qơưk fiv huv nov hâu thax tsav oz cấp.

Côngz xưv saiz car nhiax txiax, tuôv txênhv têz qơưk tâu tsik tsês, chok nxiak kriz lus, mênhx pêv, zos chai; côngv yuôx vax huôv ntơưv têx zav zôngx ziv nox nhiax têz qơưk, tsik jông. Cêr uô ntâuz ntơưr hành chính, taz pêx xênhv, tu ntơưr siz pênhr, siz cov tâu lês ntov chai. Cấp ủy, nênhs thơưx chox huôv nzir phênhv shuôv; tsik tsês cxênhz yuôx, sox njôngr, paz yôngv siaz txiax njis saiz car têz qơưk txix cơ sở.

Câuk luk ntơưv jâus uô nuv, đồng chí Lò Minh Hùng cxiz cov Đảng ủy têx xã tror fuô, fuô lês zênhx max têx cêr chai ntơưv Đảng, Têz qơưk thiaz ntơưv tỉnh txos cxênhz yuôx vax huôv, phax, tar nênhs nox nhiax têz qơưk, xuôv nhiax, tsik jông, tuôv xav kror no zos hâux lưv tsênhv chênhz, tsik so lês đros trâu côngz xưv cxiv kho Đảng. Đảng ủy 5 xã cxiv tsa cêr xav lês têx chai txos cxênhz yuôx vax huôv fiv huv tsênhz mênhx; yuôx, uô tiar côngz xưv cán bộ, lês hlôngr qơư uô côngz xưv txos têx faz zôngx ziv yưv nênhs nox nhiax têz qơưk, tsik jông; cxênhz cán bộ đros qơư uô nuv mênhx pêv.

Đồng chí cxiz cov tsik so yuôx, sox njôngr, yax hlo mak têx dự án zov chênhr; zênhx max pov, tik cêr cxâuv ntov trâu nênhs zuôv chai; cxênhz yuôx chuôz tav, khưr tâu nhiax trơưk chai xav. Côngv kho đơưk cov tas têx câuk luk, taix khov tov kaz cxênhz yuôx, kiểm toán; lês ntov chai saiz car muôz nhiax sir tsik so, zuôr cxuô zav, kho yêz, nhiax côngz xưv. Cxênhz yuôx, đơưk cêr khuôv đais, uô sai têx hâux lưv, dự án lâus ntêr hnuz; zênhx max muôz têx tsêr, ar sênhv lok zôngv, tsik chia tuôr xuôv. Đros ntơư, lês siz luôs têx faz phax tar nênhs nox nhiax têz qơưk, uô têx zav tsik jông; yôngv siaz cêr taz pêx xênhv, tu têx ntơưr khov, trơưk chai xav.