Hâur 8 hli hâu shông, cấp muôx vax huôv tưz tso 115 paz nênhs, đros 810 lênhx oz chas têz tuôx uô hâux lưv, saz lax, đros têx cơ quan, đơn vị, tổ chức hâur thax tsav tỉnh siz chos uô hâux lưv. Hur si tỉnh muôx 15.109 lênhx oz chas têz tuôx nuôv zax, shuôk nênhx tsa, cơưv ntơưr; 439 lênhx tâu tênhv hnuz nhôngs, puz thẻ tạm trú, ntơưr muk lok thax tsav đriv têz zos chai. Nhiv no muôx 776 lênhx oz chas têz taz tov nhoz hâur thax tsav tỉnh, phênhv ntâu zos shuv xênhz Lok Tsuôk. Đhâu cxênhz, nênhs oz chas têz puôr lênhx fuô lês ntov nti têx cêr chai Việt Nam.  

Têx đại biểu tưz moz siaz saz lax lok sâuv côngz xưv siz chos saiz car nênhs oz chas têz muk lok, nhoz hâur thax tsav; txaik nhav xor mông, kriz jias taz têx paz kruô oz chas têz; siz chos cxov, bluô thiaz muôz tik cêr cxâuv têx nênhs cxâuv chai Việt Nam.

Fuô luk ntơưv jias uô hâux lưv, đồng chí Đặng Ngọc Hậu cxiz cov cxuô sở, ngành, đơn vị tsik tsês saiz car nênhs oz chas têz; tưx tsav xav pâuz mênhx thax tsav, saz lax xor mông lok sâuv uô ntâuz ntơưr muk lok, nhoz thiaz uô hâux lưv ntơưv nênhs oz chas têz. Đros ntơư, cxênhz đuô têx txov nhêv, khuôv đais hâur fuô lês têx cêr chai nhiv no chia nzor cxiv kho, cxaz nzir; tsik tsês siz chos saiz car, fuô lês hâux lưv, gruô hu cxưx nhiax uô thiaz siz khov ntiax têz.