Txuv jâus uô nuv muôx têx đồng chí: Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Nguyễn Minh Tiến, Phó Chủ tịch UBPX tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; thơưx car têx sở, ngành thiaz đơn vị cik txos.

Ntơưv jâus uô nuv, nênhs hlôngr têx nênhs cxiv tsa tưz piar cêr xav cxiv tsa thax đrôngs ntâu zav nuv, siz luôs têx vax tsê trơưk cêr xav, têx zav jông xã hội thiaz tsêr nhoz; huôv tsar nuôv zax tox trôngz, so txuôs jos jông; cxiv tsa qơư jông saiz. Têx taix khov tok txos kriz têx txơưv zênhx, muôx liv txos tox trôngz, huôz chuô, nuôv zax; đros ntơư cxaz nzir têx zav jông, cxuô zav, chuôz nzir qơư huôv tsar yiaz trâu phường Mộc Châu.

Têx nênhs cxiv tsa chos luk côngv nhiax, tsưr ziv chia paz tsov xav, tiar cêr xav, faz cxiv tsa; lês trơưk têx chai xav ntơưv chai têz qơư thiaz tuôr xav ntơưv tỉnh; đros ntơư, côngv ntov đros têx sở, ngành, thax tsav thâuv tsov njuôk, uô tiar têx ntơưr cik txos, tok txos fuô lês têx dự án siz luôs, muôx liv, fiv huv cêr xav huôv tsar ntơưv Mộc Châu.

Fuô luk ntơưv jâus uô nuv, đồng chí Chủ tịch UBPX tỉnh kruôk txos kror moz siaz thiaz têx cêr xav taix khov ntơưv nênhs cxiv tsa; haik tsênhz tỉnh Sơn La zuôr tror côngv lês, paz cêr zôngx ziv chia têx nênhs cxiv tsa tsov xav, fuô lês têx dự án fiv huv; đhâu ntơư, gruô hu nhiax txiax uô tiar têx zav jông, huôv tsar đrôngs, lax luôv, nuv uô thiaz nuôv zax, chuôz nzir jos huôv tsar trâu Mộc Châu.

Đồng chí Chủ tịch UBPX tỉnh cxiz cov têx sở, ngành, thax tsav côngv kria txos cêr tuôr xav, đêx ar thiaz têx zav cik txos chia tsêr luôv tror tsov xav, uô tiar faz xav. Cxiz cov têx nênhs cxiv tsa xav tơưv faz fuô lês fiv huv đros cêr tuôr xav, lês trơưk cêr xav ntơưv chai têz qơư, chok nxiak siz luôs ntơưv têx zav jông trơưk cêr xav, zav jông xã hội thiaz têx công trình uô nuv; huôv nzir nux gri txơưr hlo ntơưv thax tsav, paz cxiv tsa Thax tsav nuôv zax têz qơư Mộc Châu yênhx qơư gas siaz, muôx cêr siz tưr jông, chuôz cêr txâuk siaz hâur bản đồ nuôv zax hâur têz qơư thiaz ntiax têz.