Hâur cêr siz khov, thôngx siaz, têx đại biểu tưz saz lax, kria pâuz tsưr ziv uô côngz xưv Đoàn, cêr sik tưr hluôk nênhs mê nhuôv zâuk shông 2026; tsưr ziv chox tâu hluôk nênhs cêr thôngx siaz, hlôngr yiaz muôx kaz hâu côngz xưv Đoàn, cêr sik tưr hluôk nênhs mê nhuôv zâuk ntơưv cơ sở; têx hâux lưv uô tâu hâur cêr sik tưr “4 kror hlôngr yiaz” thiaz paz hluôk nênhs piz uô nox hâuk; cxơưz hluôk nênhs vax huôv uô ntêx lông, muôx phaz nzưr hâur huôv tsar nhiax txiax - xã hội, txuôs jông cxuô hair nênhs txux chi thiaz cxiv tsa tổ chức Đoàn đơưz hur truôx njês....

Thơưx car Đoàn Thanh niên Pêx xênhv Cách mạng Lok Tsuôk têx tỉnh Bò Kẹo thiaz Luông Nậm Thà tưz uô Tỉnh đoàn Sơn La tsâus ntâu viv uô jông taz paz côngz xưv. Đros ntơư, xar cov tror kriz đar cêr siz khov, tsik tsês saz lax, siz paz fuô lês têx hâux lưv côngz xưv hluôk nênhs thiaz cêr sik tưr mê nhuôv zâuk. Xar cov Tỉnh đoàn Sơn La paz cxiv tsa Trung tâm Huôv tsar Hluôk nênhs tỉnh Luông Nậm Thà; gruô hu têx nênhs tưx zênhv uô hâux lưv jông Việt Nam tuôx kriz têx lớp kria pâuz luk Việt trâu cán bộ thiaz đoàn viên hluôk nênhs Lok Tsuôk; tsov xav siz chos cxiv puôz “Tsêr nhoz siz khov” krưr trâu thương binh, bệnh binh, cựu chiến binh pluôs tỉnh Bò Kẹo trâu shông 2028. 

Thơưx car Tỉnh đoàn Sơn La nhav nxias, côngz xưv đros oz chas têz uô hâux lưv, đros hluôk nênhs têx tỉnh têz qơưk Lok Tsuôk siz njiz siz khov zos hâux lưv zov chênhr, tâu fuô lês đhâu nthuôr txux chi, thể thao, tưx zênhv uô hâux lưv jông thiaz paz shuv xênhz Lok Tsuôk. Shông 2027, Tỉnh đoàn Sơn La thiaz Đoàn Thanh niên Pêx xênhv Cách mạng Lok Tsuôk ntơưv 9 tỉnh Kâuv têz Lok Tsuôk zuôr cxênhz đuô 5 shông fuô lês Ntâuz ntơưr ndo njôngr siz khov, đros ntơư bax cxiv tsa txos trâu sâu bê trâu Ntâuz ntơưr ndo njôngr siz khov ntu 2027-2032. Têx cxênhx cxênhv tso tơưv hâur jias saz lax zos qơư chuôz zov chênhr chia bax trâu hâux lưv siz khov trâu ntu zuôr txos. 

Tov kaz saz lax, Đoàn Thanh niên Pêx xênhv Cách mạng Lok Tsuôk tỉnh Bò Kẹo thiaz Luông Nậm Thà tưz tuôx njiz đồng chí Cuôv Xênhv Tsaz, Phó Bí thư Tỉnh ủy, Chủ tịch Ủy ban Mặt trận Tổ quốc Việt Nam tỉnh Sơn La. Đros ntơư, kria pâuz têx kror uô tâu hâur jias đros Tỉnh đoàn Sơn La uô hâux lưv ntơưv jâus saz lax tsưr ziv uô côngz xưv Đoàn thiaz cêr sik tưr hluôk nênhs mê nhuôv zâuk.

Đồng chí Cuôv Xênhv Tsaz cxiz cov Tỉnh đoàn Sơn La thiaz Đoàn Thanh niên Pêx xênhv Cách mạng Lok Tsuôk têx tỉnh Bò Kẹo, Luông Nậm Thà tror siz chos lês ntov nti, muôx kaz hâu têx hâux lưv siz njiz, siz khov uô cxuô zav nuv, paz cxiv tsa thiaz bôngs nzir cêr siz trâus jông hâur hluôk nênhs Sơn La thiaz têx tỉnh Kâuv têz Lok Tsuôk zênhv hnuz zênhv muôx kaz hâu. Đros ntơư, tsik so fuô kria đêz đar hâur fâuv hluôk 2 têz qơưk lok sâuv cêr thôngx siaz, siz trâus jông Việt Nam - Lok Tsuôk, Lok Tsuôk - Việt Nam, cxơưz thiaz txuôs jông hâux lưv uô tâu hâur cênhz cưv uô têz uô qơư mak Đảng, Têz qơưk thiaz pêx xênhv oz têz qơưk tưz côngv cxiv tsa tâu.