Nzaz nzơưv yênhx hnuz, yênhx six hơưv, têx đơn vị cxiv puôz taz tov bax tiz nênhs uô txox cêr hâur yênhx hnuz cxuô hmo, sir jos uô cov tiar txox cêr zos cêr tuôr xav. Công ty cổ phần Môi trường thiaz Dịch vụ đô thị Sơn La tưz gruô hu 85 công nhân, uô hâux lưv trơưk yênhx paz nênhs, moz siaz cxiv puôz kror qơư chos pax, huk ar cov tiax, chos ntông thiaz cxiv kho iz puôk ndis. 

Xav hur si dự án 343 tỷ nhiax. Côngz xưv thêv nhiax ar shôngz ntông tưz thêv tas trâu 54/54 ziv nênhs mas tuôr thênhv txos, zok ar trâu têx đơn vị chia gruô hu tiz nênhs, chuôz zênhx sir jos uô cov tiar hâux lưv tâu zok. Ntơư zos luôs hâux lưv muôx txiax njis lok six zov chênhr hâur cxiv puôz vax tsêr thiaz kriz cêr muk lok, cxiv kho thax tsav trung tâm tỉnh. Viv li, đros trâu sik tưr uô cov tiar đrông ntưk, côngz xưv siz chos lês, đơưk cov tâu sai têx cêr txov nhêv lok sâuv zok ar cux tâu nov hâu thax tsav moz siaz fuô lês muôx kaz hâu. 

Phường Tô Hiệu tsik so tsi njênhk thax tsav, đros tsưr tso nhiax uô thiaz têx đơn vị cik txos zênhx max đơưk tâu sai cêr txov nhêv, khuôv đais; cxiz cov đơn vị uô cxiv puôz txox cêr jông, nhaz xênhz, sir jos lês tiar têx hâux lưv uô ntêx hnuz 30/9, paz cxiv kho iz puôk ndis jông jav, uô tiar vax tsêr cêr muk lok thax tsav trung tâm tỉnh.