Ntơưv yênhx qar tsêr huv, têx đơn vị tưz kria pâuz cêr xav tơưv, hax huv, tsưr ziv lok sâuv khoa học, chuôz zênhx, hlôngr yiaz muôx phaz nzưr thiaz hlôngr pâur số; têx kror jông yax hlo, muôx phaz nzưr thiaz tsưr ziv sir zôngv, txuôk kror xar muôx hâur luz nênhx ntơưv tỉnh. Iz chas piar kria, ntâu qar tsêr huv tsênhv kriz têx hâux lưv piar kria, ndis shuôk, paz kruô nuôv zax tâu saiz têx hax huv, tsưr ziv yiaz. Yênhx đơn vị  muôx ntâu yax 5 phút piar luk, kria pâuz thiaz têz Ban giám khảo ndâux luk nus. 

Têx qar tsêr huv tâu cxênhz yuôx trơưk thang điểm 100, đros trâu 4 paz tiêu chí, li: Cxênhx cxênhv cêr txơưx fiv, chuôz zênhx jông, hlôngr yiaz muôx phaz nzưr thiaz hlôngr pâus số; muôx kaz hâu thiaz tsưr ziv sir zôngv piar kria, nhax pâuz thiaz ndis shuôk; piar luk, têz ndâux luk nus thiaz siz txuôk luk. Đhâu phênhv tưr, têx cơ quan, đơn vị, tsêr luôv, HTX thiaz yar cơưv kria pâuz hâux lưv uô tâu hâur tsov xav, hax huv, tsưr ziv yiaz; tsik so txuôk, saz lax, cxơưz sir zôngv cêr txơưx njê, chuôz zênhx jông, hlôngr yiaz muôx phaz nzưr thiaz hlôngr pâur số hâur luz nênhx.

Ban giám khảo zuôr xair tsov têx hax huv jông chia puz 1 hov Iz, 1 hov Oz, 2 hov Pêz thiaz 3 hov Tov thơưx.