Nhiv no Sơn La muôx yax 85.000 ha txir nox thiaz tuôz ziz, xav hur si sâu tâu 590.000 tấn/shông; tưz muôx ntâu thax tsav chos ntâu uô cê, têx hax huv iz thênhv jux juk txâuk chai chia tsuôv cuô, kra kruôr thiaz muôs trâu oz chas têz qơưk. Taz sik, hâux lưv chos txir nox ntơưv iz cxia qơư tsik tâu tu jông trơưl tsưr ziv, cêr mul lol, cêr siz khov huôv tsar thiaz sir zôngv công nghệ số; cêr siz khov chos, tsuôv cuô kra kruôr thiaz tus gri muôs tsik tâu fiv huv…

Dự án sir zôngv nhiax paz tsik thêv tror kaz ntơưv Pênhr nhiax zov chinhr Siz khov Mê Công- Lan Thương, tâu fuô lês trâu thax tsav tỉnh Sơn La hâur 2 shông, xav hur si tas 9,36 tỷ nhiax. Têx nênhs tâu paz mal zos têx HTX kôngz lông thiaz tuz kôngz chos txir nox thax tsav tỉnh.

Dự án tuôr xav huôv tsar 300 ha txir nox yênhx hax huv, chia huôv tsar tsik tu nduô, tu trơưk tsưr ziv hữu cơ, zôngv công nghệ jông thiaz kra kruôr, tsuôv cuô; saiz hloz têx HTX qơư sơưr, uô jông tu têx txir nox txâuk chai chia kra kruôr thiaz muôs trâu oz chas têz qơưk. Trơưk li tuôr xav, Dự án kriz 12 jias kria nzir tsưr ziv trâu tuz kôngz lol sâuv saiz car têx kôngz, txir nox chos uô cê; paz 115 ha txir nox zưs đêx trơưk tsưr ziv yiaz thiaz txuôs đêx; sâu cxix cxuô hâux lưv tu trâu đruôz mair, chia cxênhz zok nriar qơư chos ntơưv thax tsav dự án. Đros ntơư, cxơưz paz pênhr xưv saiz car HTX, sir zôngv công nghệ số, huôv tsar cêr luôv điện tử, cxiv tsa bê lax luôv, cxơưz pênhr xưv tsưx tsês, tsuôv cuô thiaz muôs trâu cêr luôv.

Ndax jias no, Ban Saiz car Dự án fuô quyết định tso chai trâu têx HTX côngv lês; chos lul phênhv shuôv pêz tos txix li Ban Saiz car Dự án, UBPX têx xã, phường thiaz têx HTX, chia uô chinhv chưr siz chos fuô lês Dự án trơưk li tuôr xav thiaz lês tâu jông.