Muk txos jok Khiêu Ban, xã Quỳnh Nhai, pêz tưz pov têx têz cà phê njuôz xiaz têx tox trôngz. Tsik khov kol ntông, poz cưk, ntâu shông đrav ntêx, pêx xênhv Hmôngz ntơưv no tưz muôz zuz cà phê chos hlông thiaz uô jông tu saiz, cơưv tsưr ziv, iz truôv jux juk kriz đar têz chos. Têx shông lok no, gri txir cà phê ndê, muôs tâu ntâu nhiax trâu pêx xênhv, cxơưz tâu ntâu ziv pêx xênhv ntơưv no ntu nênhx hlar yiaz.

Zơưs Ziak Xênhv Thox, Bí thư Chi bộ jok Khiêu Ban, jông siaz thav: Jok nhiv no muôx 157 ziv, mak muôx 140 ziv chos cà phê xav hur si yax 120 ha taz tov tâu đê txir. Shông 2025, cà phê cê tâu đê, cê tâuk gri li ntơư pêx xênhv lok sik jông siaz. Ntâu ziv chos 3 - 4 ha cà phê, muôs tâu txix 500 - 700 triệu đaiv nhiax, nto mông li zơưs Nhiax Cuôv Thox, Vav Kia Thox, Tsưr Vưx Shôngx, muôv Nhiax Xênhv Muôk… Pêz tok nrư gri cà phê truôx njês, muôs zôngx ziv chia pêx xênhv tso siaz chos, tu zav txir no.

Xã Quỳnh Nhai nhiv no muôx yax 433 ha cà phê, nhoz trâu têx jok Khiêu Ban thiaz Lỷ Sản. Têx txir cà phê nôngz ntơưv xã shông 2025 tâu 387,8 tấn, muôs tâu ntâu nhiax trâu nênhs chos. Nhiv no, xã taz tov yuôx têx têz chos cà phê zuk thax tsav trơưk Cêr xav ntơưv UBPX tỉnh txos cà phê nhoz ar chos ntông thiaz cxiv tsa ntâuz ntơưr thax tsav chos tâus tâu qơư trơưk Chai xav tsik chia luôx ntor jôngr ntơưv Liên minh châu Âu (EUDR).

Zơưs Tòng Xuân Trường, Phó Chủ tịch UBPX xã Quỳnh Nhai, thav tiak: Txix li cxênhz mênhx nhiv no, muôx yax 1.800 ziv thax tsav xã chos luk muôz têz chos kôngz tsik jông chos cà phê đros trâu yax 1.509 ha. Xã tuôr xav kriz đar têz chos đros đraiv xav chos uô cê, zôngv khoa học kỹ thuật chos tu chia têx cà phê kaz, yôngv siaz nux gri nhiax txiax txir chos, chuôz jos trâu cêr huôv tsar zuk thax tsav.

Hok ntơưv xã Mường Sại, ntông cà phê tưz tâu pêx xênhv chos tâu yax 10 shông đrav ntêx lok. Txos nhiv no, hur si xã muôx yax 400 ha cà phê, hâur ntơư muôx li 50% tâu đê txir. Xã tror yuôx, cxênhz hur si têz chos kôngz lông chia cxiv tsa cêr xav hlôngr têz chos kôngz txir, muôz cà phê hlôngr têx  têz kôngz tsik jông.

Zơưs Lò Minh Hiếu, Phó Chủ tịch UBPX xã Mường Sại, thav pâuz: Đhâu yuôx cêr khov tsênhz mênhx ntơưv pêx xênhv, hur si xã khov chos luk chos yiaz li 700 ha cà phê nhiv no tax txos shông 2030. Xã tuôr xav hâur ntu zuôr txos mak zos côngv fuô kria, zaz zâuv pêx xênhv tror tu saiz têx nhiv no tưx chos tâu, hlôngr têz chos kol ntông tsik jông lok chos cà phê fiv cêr  tuôr xav.

Đros trâu xã Quỳnh Nhai, Mường Sại, cà phê tưz tâu chos trâu ntâu thax tsav txơưr muôx đêx ar, huôz chuô fiv huv. Chos cà phê tâu cxuô thax tsav xav ntov, tsik nav jôngr lâuk, jôngr por hưv  ntus đêx lox, chos cà phê shơư ntông nox txir chia nzôngr tox trôngz, tuôr ar tsik mas cuôr.
Txix xav faz lês mênhx pêv, đros cêr côngv lês ntơưv nov hâu thax tsav thiaz têx ngành  tâu chai, ntông cà phê ntơưv thax tsav ntus đêx lox Quỳnh Nhai zuôr tâu huôv tsar trơưk faz truôx njês, côngv đros têx thax tsav haik tsênhz thiaz yôngv siaz bê lax luôv cà phê Arabica Sơn La,  kriz tas cêr uô nox trâu ntus đêx lox, muôx cêr uô nênhx nox kaz hnar jông trâu pêx cxuô zav nênhs ntơưv no.