Hnuz grâuv pax gruô hu yax 100 cơ quan, đơn vị côngv đros uô; zuôr luôs 300 đại biểu txuv cias ntơưv qơư, 500 lưv kruô tuôx ndis shuôk thiaz yênhx puô lênhx txuv trực tuyến. Têx jias saz lax, jâus cơưv chuyên đề tưz moz siaz saz lax sir zôngv cêr txơưx fiv, chuôz zênhx jông, hlôngr yiaz muôx phaz nzưr thiaz hlôngr pâur số hâur huôv tsar, tu jông thiaz pâuz mênhx qơư chos kôngz lông; hlôngr yiaz tsưr ziv uô lax luôv; xav tơưv hnaz ntiv huv jông, tik bê lax luôv, fuô kria số thiaz siz txuôk chor nênhs xar muôs thiaz xar zuôr chuôz zênhx.

Hâux lưv kria pâuz toz đar 1 - 1 muôx 52 tsêr luôv, HTX fuô lês, đros trâu 75 lưv kria pâuz cias ntơưv qơư; tsov xav 58 cêr xar tsuv tror sox njôngr, uô jông paz. Đhâu têx jias uô hâux lưv, 24 gơưv chuyên gia - tsêr luôv, HTX thôngz ndâux luk tror siz chos lês hâux lưv tov kaz Hnuz grâuv pax. Ntơưv Jias siz txuôk cêr xar muôs - xar sir zôngv chuôz zênhx thiaz cêr lax luôv, xuz thơưx cxiv tsa 4 gơưv siz txuôk hâur tsêr luôv, HTX thiaz têx đơn vị uô luôv tsưr ziv chuôz zênhx. 

Hâur Hnuz grâuv pax, 39 qar tsêr huv tưz nthuôr muôs, kria pâuz têx hâux lưv uô tâu hâur tsov xav, hax huv, pir txưr, tsưr ziv txơưx fiv luz nênhx, chuôz zênhx, hlôngr yiaz muôx phaz nzưr thiaz hlôngr pâur số. Tỉnh Sơn La tưz xav tơưv têx chuyên gia, cưk kria pâuz hlôngr yiaz muôx phaz nzưr tỉnh, muôx nzir txox hâur cêr siz chos lês hâux lưv hâur tsêr luôv, HTX thiaz têx chuyên gia, tsưr khoa học thiaz tổ chức paz.

Fuô luk ntơưv Jias suôx câuv, đồng chí Hà Trung Chiến cxiz cov Sở Khoa học thiaz Công nghệ đros têx sở, ngành, thax tsav txaik nhav, sâu tsês, sox njôngr têx cêr khov, cêr xar, tsưr ziv yiaz thiaz siz chos lês tâu cxiv tsa hâur Hnuz grâuv pax; tsov xav têx cxênhx cxênhv zuôr tâu fuô lês cias, têx hâux lưv tsuv cxiv tsa yênhx hâux lưv txơưx fiv, chuôz zênhx jông thiaz muôx phaz nzưr, gruô hu tsêr luôv tuôx cxưx nhiax uô nox hâur thax tsav lok six tsuv đơưk cêr chai cêr chor nhov. Đros ntơư, cxiz cov tror tso tơưv têx cêr xar, tsưr ziv thiaz siz chos lês txix Hnuz grâuv pax lok zôngv hâur luz nênhx; paz uô ntêx têx hâux lưv lok sâuv huôv tsar kôngz lông, tu jông kôngz txir nox, nuôv zax, uô lax luôv, choz kria ntơưr, kho moz, por hưv đêx ar huôz chuô nyiaz hur thiaz saiz car nov hâu. Đros ntơư, tsik tsês siz txuôk, kria pâuz ntâuz ntơưr; sir zôngv muôx kaz hâu Qơư sâu tsês ntâuz ntơưr côngv zôngv thiaz Qơư sâu tsês ntâuz ntơưr kriz ntơưv tỉnh.

Cxuô sở, ngành tror paz tsêr luôv, HTX thiaz pêx xênhv xair tsov, sir zôngv chuôz zênhx fiv huv; hlôngr yiaz cxênhx cxênhv huôv tsar tsưr ziv uô nox, hax huv, por hưv saiz car cêr txơưx njê, pâuz mênhx qơư uô, tik bê lax luôv, huôv tsar cêr lax luôv điện tử thiaz kriz đar cêr lax luôv. Tsik tsês tâu kror siz chos lês hâux lưv hâur cơ quan saiz car têz qơưk, viện, yar cơưv, chuyên gia, tsêr luôv, HTX; kriz đar kror siz chos uô hâur têx trung tâm tsov xav, tsêr luôv chuôz zênhx jông thiaz têx thax tsav, iz phênhv tưs cxiv tsa hlôngr yiaz muôx phaz nzưr ntơưv tỉnh trơưk faz kriz đar, siz chos lês thiaz tsênhz mênhx.

Đồng chí Phó Chủ tịch Thường trực UBPX tỉnh xar cov têx chuyên gia, tsêr luôv, nênhs côngv đros uô tror đros Sơn La siz chos, hlôngr yiaz chuôz zênhx, cxưx nhiax uô, huôv tsar hax huv thiaz kriz đar cêr lax luôv; paz muôz cêr txơưx fiv, chuôz zênhx jông, hlôngr yiaz muôx phaz nzưr thiaz hlôngr pâur số yênhx qơư chuôz zov chênhr cxơưz huôv tsar nhiax txiax- xã hội ntơưv tỉnh. 

Ndax jias no, Ban tổ chức tưz puz 1 hov iz, 2 hov oz, 3 hov pêz thiaz 5 hov tov thơưx trâu têx qar tsêr huv jông yax hlo hâur Hnuz grâuv pax.