Têx njiaz luk kria njuôk tsov, sox car hâux lưv ntơưv yênhx đơn vị ntơưv 8 luz trôngx kria tsưr ziv, têx chuyên gia tưz kria mênhx cxuô zav, li: Tsưr ziv muôs hâuv sâuv mạng, sir zôngv txux chi huôv tsar nuôv zax truôx njês, piz uô lax luôv thiaz gruô hu nhiax pênhr paz thax tsav pêx xênhv hair nênhs tsơưs, huôv tsar nuôv zax jêx jok; phênhz mênhx têx cêr phiv liv uôk tsêr luôv taz tov njiz, sir zôngv công nghệ, hlôngr số, cxiv tsa bê lax luôv, chuôs tâu cêr lax luôv, txix ntơư khov paz uô têx ntơưr kria mênhx qơư uô tơưv thiaz têx zav zuôr nziv huôv tsar.

Ntơưv têx lưv kria tsưr ziv 1 - 1, yax 50 lưv lênhx hlôngr njêx muôs trâu têx tsêr luôv, hợp tác xã tưz tâu saz lax cias têx tsưr ziv uô nox uô hâuk, uô lax luôv; 18 đơn vị chuôs tâu têx chuyên gia chia cov uô kaz jias no tror muôx cêr khov nzir. Sở Khoa học thiaz Công nghệ sâu cxix cxuô têx ndâux luk khov chia njuôk tsov thiax pov kaz paz cov fiv huv, zos lênhx tưs xar tâu paz nzir tsưr ziv mak zok trâu têx chuyên gia, cơ quan, đơn vị cik txos paz tov kaz hnuz uô hâux lưv. 

Jias kria tsưr ziv 1 - 1 ntơưv hnuz grâuv pax hlôngr yiaz thiaz hlôngr số Tỉnh Sơn La tưz paz nzir tsưr ziv chia têx tsêr luôv, hợp tác xã tâu saz lax nus cias têx zav tsik tâu pâuz mênhx, pâuz tuôr xav fiv huv. Txix têx zav tâu phênhz mênhx, cxuô đơn vị zuôr pov kaz xav mênhx nzir têx zav zuôr tsuv tâu lês, hlôngr yiaz iz thênhv jux juk, uô tơưv ntâu zav, sir zôngv tâu ntêr.