Jias uô hâux lưv, muôx têx đồng chí: Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Nguyễn Minh Tiến, Phó Chủ tịch UBPX tỉnh; Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; nov chox car têx sở, ngành thiaz đơn vị cik txos.

BIM Group zos tập đoàn nhiax txiax tus khênhx ntâu ngành hâur ntâu zav cêr lax luôv vax tsê, kôngz lông - kar hno, điện thiaz uô hax huv sir zôngv. Hlôngr njêx muôs BIM Group tưz cxênh têx zav muôx txơưv ntơưv Sơn La, lar haik yax mak Têz qơưk thax qơư nuôv zax Mộc Châu, huôz chuô, têx qơư nuôv zax jông thiaz txux chi; chia siaz zuôr njuôk tsov chia muôz nhiax uô têx dự án nuôv zax qơư so, đrôngs, lax luôv nox hâuk thiaz kôngz lông, uô qơư tu kôngz yênhx hax huv muôs. Tập đoàn khov tỉnh đros cxênhz, xair têx dự án zuôr zôngx ziv uô, fiv huv cêr huôv tsar.

Ntơưv jias uô hâux lưv, têx đại biểu tưz saz lax iz cxia hâux lưv BIM Group taz tov njuôk tsov; ar sir zôngv, chia ar trơưk xav; muôx cêr yêz zôngx ziv muk lok, vax tsê kỹ thuật; cxuô zav trơưk njuôk tsov, ar, cêr nyiaz hur, yêv qơư thiaz têx ntâuz ntơưr uô dự án...

Ntơưv jias uô hâux lưv,  đồng chí Chủ tịch UBPX tỉnh tưz kruôk têx ndâux luk saz lax ntơưv BIM Group; haik mênhx tỉnh Sơn La zuôr paz cov têx tsêr luôv zôngx ziv njuôk tsov, uô cxuô dự án fiv huv, trơưk đraiv cêr chai têz qơưk. Iz chas ntơư, cxiz BIM Group tror njuôk tsov mênhx têx zav muôx txơưv, qơư huôv tsar ntơưv têz qơưk thax qơư nuôv zax Mộc Châu; trơưk têx zav muôx txơưv, tsưr ziv ntơưv têx tsêr luôv, saz lax têx tsưr ziv uô dự án fiv huv, jông siz luôs chia huôv tsar đrôngs, nuôv zax, lax luôv thiaz por hưv tâu têx zav muôx txơưv, nthuôr huôv txux chi. Cxuô sở, ngành, cxuô qơư siz chos njuôk tsov mênhx têx ar cxuô zav cik txos chia BIM Group njuôk tsov, bax tsưr ziv fiv huv, sir zôngv têx zav muôx txơưv huôv tsar nuôv zax, cxơưz nhiax txiax - xã hội huôv tsar.