Jias no muôx têx đồng chí: Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Nguyễn Minh Tiến, Phó Chủ tịch UBPX tỉnh; thơưx car cxuô sở, ban, ngành. Jâus cơưv tâu tso yưv ti vi txos cxuô xã, phường.

Hâur 9 hli hâu shông 2026, nhiax txiax- xã hội ntơưv tỉnh tror tâu txuôs jông huôv tsar; chos kôngz lông muôs, đros trâu tsưx jông, uô luôv trâu oz chas têz; xuôk máy uô, cêr lax luôv, nuôv zax muôx ntâu hlôngr yiaz. Hur si tỉnh tok tâu 4,85 triệu lưv kruô nuôv zax, tsar 17% njuôk chaix no, tâu 82,9% tsưr ziv shông; xav nhiax sâu tâu 4.872 tỷ nhiax. 

Nhiax txiax hâur thax tsav xav sâu tâu 4.294 tỷ đaiv, tâu 90,3% tsov xav Trung ương zok thiaz 85,04% tsov xav HĐPX tỉnh zok. Txos hnuz 16/9, kênh nhiax uô têz qơưk hâux lưv tâu yax 3.594 tỷ nhiax, tâu 45,7% tsưr ziv. Tỉnh tưz tso chai lês 41 dự án cxưx nhiax uô tsik nhoz hâur thax tsav xuôk máy uô, xav hur si sâu bê 91.223 tỷ nhiax; 17 dự án cxiv kho tsar pênhr đros trâu 1.546 tỷ nhiax. Têx dự án zov chênhr, li txox cêr yêz muk chênhr Hòa Bình - Mộc Châu, têx yar cơưv phổ thông liên cấp thax tsav đriv têz tror tâu moz siaz fuô lês tsik tsês.

Têx hâux lưv txux chi, xã hội, choz kria ntơưr, hlôngr pâur số tror tâu moz siaz; hâux lưv ntơưv nov hâu thax tsav 2 cấp iz phênhv tưs tâu fuô lês truôx njês. Tsưx truôx thax tsav đriv têz nhoz njias to; hâux lưv taz kruô têz qơưk đrâuv tâu lês muôx kaz hâu. 

Ntơưv jias cơưv, têx đại biểu tưz moz siaz saz lax, muôx ndâux luk trâu 20 cxênhx cxênhv; thôngz ndâux luk tso tơưv têx tsov xav cêr chai ntơưv UBPX tỉnh cik txos xair tsov tsưr tso nhiax uô dự án cxưx nhiax uô lax luôv; fuô lês Cêr chaix Nhiax txiax têz qơưk; cxiv kho, thuk, zok cxaz nzir tuôr xav kênh nhiax zôngv tsik so chia uô têz qơưk têx hâux lưv thiaz iz cxia cxênhx cxênhv zov chênhr txơưr...

Câuk luk jias cơưv, đồng chí Nguyễn Đình Việt cxiz cov cxuô sở, ban, ngành, xã, phường hlôngr yiaz thơưx car phênhv shuôv trơưk njiaz luk "6 mênhx". Moz siaz đơưk hâux lưv huôv tsar kôngz lông, uô lax luôv cêr txov nhêv; paz đơưk tâu sai têx hâux lưv uô ntâuz ntơưr, đêx ar, khơưz têx zav muôx txơưv nhoz hâur đruôz ar, yaik qơư nhoz yiaz cêr khuôv đais, paz uô tiar tsưr ziv sâu nju nhiax txiax shông 2026.

Đồng chí cxiz cov cxiv tsa tsưr ziv kênh nhiax uô trơưk yênhx hli, yênhx quý, sir jos kênh tas 100% nhiax shông 2026 tâu Thủ tướng Chính phủ zok; zênhx max uô tiar têz qơưk têx hâux lưv ntu 2026-2030. Cxênhz đuô têx dự án cxưx nhiax uô, tsov xav mênhx six hơưv uô tiar hâux lưv yaik qơư nhoz yiaz; tsik tsês cxênhz yuôx cias hâur ntu fuô lês dự án chia zênhx max đơưk tâu sai cêr txov nhêv, khuôv đais. 

Têx đồng chí Phó Chủ tịch UBPX tỉnh moz siaz chox car tu tiar tâu sai têx dự án tsês ntêr hnuz nhôngs tsik tâu tu; phaiz phênhv shuôv mênhx pêv trâu têx dự án nhoz hâur hâur hâux lưv uô lax luôv, nuôv zax thiaz gruô hu tsêr luôv tuôx tso nhiax uô hâur thax tsav. Cxuô sở, ngành, thax tsav lês jông hâux lưv bax Hnuz grâuv pax Cà phê Sơn La jâus tiv oz shông 2026; zênhx max uô trơưk têx câuk luk, ndâux luk chox car ntơưv Kiểm toán Têz qơưk, nhav nxias zos chai.

Cxuô sở, ban, ngành, thax tsav uô jông têx hâux lưv tâu zok hâur kriz Hnuz grâuv pax Cà phê Sơn La jâus tiv oz shông 2026 trơưk tsưr ziv thiaz ntâuz ntơưr chox car ntơưv Chủ tịch UBPX tỉnh. Uô trơưk ntov nti têx câuk luk, ndâux luk chox car ntơưv kiểm toán Têz qơưk txos nhiv no tsik tâu uô tiar nhav nxias zênhx max, zos chai, kria pâuz hâux lưv uô tâu trâu sở Tài chính sâu tsês xa txos UBPX tỉnh chia kria Kiểm toán Têz qơưk côngv pâuz.