Jias nthuôr cêr lov jêv, muôx yax 300 lênhx, 9 paz nênhs nthuôr cêr lov jêv zos têx paz nênhs phax tar, tuô hluôr tơưk chơưv nênhs thiaz huôv chuôz tav cxuô qơư tưz chox 45 jax cưr cxiax sênhr chêr, trax kruôk Đảng quang vinh, zơưv Côngz Hôx, kruôk têz qơưk hlôngr yiaz, trôngx têz, tiz nênhs Sơn La; têx đas jos uôk têx chiến sĩ Cảnh sát phax tar, tuô hluôr tơưk thiaz chơưv nênhs, huôk chuôz tav tưz lês tâu.

Têx jax cưr cxiax, sênhr chêr, trax puôr lênhx tâu cxuô paz nênhs nthuôr txux chi uô jông bax nzơưk, muôx txiax njis; têx nênhs tuôx nthuôr cêr lov jêv tưz zôngv ntâu zav chuôz zênhx, hnar têx tsôngk yo fiv huv txux chi... Ntâu jax cưr cxiax tâu têx nênhs nthuôr txux zôngv ntâu phaz nzưr uô jông nthuôr jông saiz.

Ban tso yar tưr tưz krưr huv kruôk paz nênhs tưr coz hâur paz nênhs nthuôr cêr lov jêv phax tar, tuô hluôr tơưk thiaz chơưv nênhs, huôk chuôz tav thax tsav 1; 2 paz coz tiv oz, 6 paz nênhs nthuôr cêr lov jêv coz tiv 3; thiaz kruôk têx paz nênhs tưr tâu coz cxuô hov A, B, C.

Jias tưr, zos iz jias fuô chai chính trị trâu sơưr đơưk, muôx txiax njis saiz hloz 65 shông hnuz cênhz cưv hâur tsôngv Cảnh sát Phax tar, tuô hluôr tơưk thiaz chơưv nênhs, huôk chuôz tav (4/10/1961- 4/10/2026) thiaz 25 shông hnuz tas nro tsôngv pêx xênhv siz chos Phax tar, tuô hluôr tơưk thiaz chơưv nênhs, huôk chuôz tav (4/10/2001- 4/10/2026); sơưr đơưk muôx yar txux chi ndax ndênhk, siz njiz, cơưv shâuv tsưr ziv lês côngz xưv, cxuô paz nênhs nthuôr cêr lov jêv tâu cơưv shâuv nzir tsưr ziv cxơưz trâu cêr siz tưr nthuôr txux chi ntơưv têx cơ quan đơn vị.