Côngv jias cơưv muôx đồng chí Nguyễn Đình Việt, Phó Bí thư Tỉnh ủy, Chủ tịch UBPX tỉnh; têx đồng chí Ủy viên Ban Thường vụ Tỉnh ủy; Thường trực HĐPX; thơưx car iz cxia sở, ngành ntơưv tỉnh.

Hâur jias cơưv, hlongr njêx muôs UBPX têx phường Mộc Châu, Mộc Sơn, Thảo Nguyên, Vân Sơn tưz kria pâuz hâux lưv huôv tsar nhiax txiax- xã hội, por hưv njias to thax tsav 9 luz hli shông 2026 thiaz têx ndâux luk khov trâu Trung ương. Paz đại biểu Quốc hội tỉnh tưz kria pâuz tuôr xav njiaz luk Jias cơưv tiv 2, Quốc hội khóa 16 thiaz têx hâux lưv ntơưv Paz đại biểu tov kaz jias cơưv tiv iz.

Cử tri têx phường Mộc Châu, Mộc Sơn, Thảo Nguyên thiaz Vân Sơn khov cov cấp muôx vax huôv đơưk zênhx max têx cêr phiv liv lok sâuv têx tsêr cxiv puôz ntơưv ar uô kôngz; thôngx iz trôngs luk cêr chai kria pâuz têx mông thiaz tsưr ziv kriz cơưv jêx jok; txo tsơưs Cxênhx cxênhv choz kria ntơưr phổ thông 2018 cấp THCS; cxaz nzir nhiax hli trâu têx cán bộ, công chức, viên chức; cxaz nzir nênhs zuôr BHXH tưx zênhv zuôr; muôz nhiax zuôr têx chuôz zênhx chia paz max lês hâux lưv huôv tsar nuôv zax jêx jok...

Tov kaz mnôngs cử tri têx ndâux luk khov, đồng chí Chủ tịch UBPX tỉnh thiaz thơưx car têx sở, ngành tưz saz lax, têz têx ndâux luk trơưk vax huôv; đros ntơư kria mênhx iz cxia njiaz luk cil txos hâux lưv huôv tsar nhiax txiax - xã hội thiaz hâux lưv fuô lês iz cxia cêr chai hâur thax tsav.

Hlôngr njêx muôs Paz đại biểu Quốc hội tỉnh, đồng chí Bí thư Tỉnh ủy tưz kruôk txos kror moz siaz sir jos ntơưv têx cử tri. Đồng chí cxiz cov cxuô cấp ủy, nov hâu txix tỉnh txos trâu xã, phường tsuv cxaz nzir phênhv shuôv, sir jos lês têx hâux lưv chính trị, chuyên môn, yax hlo zos têx hâux lưv phiv liv, sir jos lês cov tiar tâu jông. Đros ntơư, moz siaz txos têx cêr chai thiaz cử tri têx ndâux luk khov; tuôr xav mênhx njiaz luk, cơ quan tu thiaz têz têx ndâux luk. Haik txos têx ndâux luk trơưk vax huôv ntơưv Trung ương, Paz đại biểu Quốc hội tỉnh zuôr sâu tsês cxix cxuô, xa trâu cơ quan muôx vax huôv tror cxênhz yuôx thiaz tu cov mênhx.

Ndax Jias saiz hloz hnuz nênhs lâuk xiaz 1/10, Paz đại biểu Quốc hội tỉnh tưz puz 40 poz huv ntơưv đồng chí Nguyễn Thị Hồng, Ủy viên Ban Chấp hành Trung ương Đảng, Phó Chủ tịch Quốc hội, trâu têx nênhs lâuk tâu pêx xênhv njênhs thiaz nênhs muôx côngz hâur thax tsav têx phường Mộc Châu, Mộc Sơn, Thảo Nguyên, Vân Sơn.