Ntơưv jias uô hâux lưv, nov chox car Công ty CP Phúc Sinh Sơn La tưz piar kria mênhx têx hâux lưv bax tu chiv cà phê 2026-2027 thiaz cxuô zav trâu hnuz grâuv pax Cà phê Sơn La jias tiv 2. Công ty tâu tỉnh xair uô qơư trâu “Tuz kôngz siz tưr”, cux zos iz kror qơư hâur têx qơư tok kruô, pêx xênhv ndis nuôv zax hâur têx hnuz grâuv pax.

Txos nhiv no, Công ty tưz bax qơư, tu iz ndis, vax tsê, cêr tok kruô. Vax cà phê tsêr máy Phúc Sinh Sơn La, ntơưv jok Mạt, xã Chiềng Mung, zos kror qơư “Tuz kôngz siz tưr”, tưz tâu uô jông luôx, tu iz ndis đu lus. Cà phê hâur vax taz tov siar, jông fiv huv cêr siz tưr thiaz nuôv zax, ndis uô si.

Hâur hnuz grâuv pax, têx kruô txos Phúc Sinh Sơn La zuôr tâu ndis tsêr máy, cơưv shâuv tsưr ziv chos, đê thiaz tu cà phê; shâuv jov, liv, tor thiaz hâuk cà phê Arabica Sơn La. Công ty cux piar kria mênhx têx hax huv, li Cascara Blue Coffee, cà phê phin ntơưr..., paz têx kruô pâuz nzir yênhx ntu txix têx têz chos cà phê ntâu uô jông yênhx hax huv, đhâu ntơư kria trâu cxuô qơư pâuz mênhx đuô cà phê Arabica Sơn La. 

Paz nov uô côngz xưv, kruôk Công ty CP Phúc Sinh Sơn La têx hâux lưv bax tu chiv cà phê yiaz thiaz têx hâux lưv hâur hnuz grâuv pax. Iz chas ntơư, cux cxiz Công ty tror cxênhz yuôx, bax cxix qơư, vax tsê tok kruô; bax têx ndâux luk saz lax ntơưv Trôngx ndâux luk siz khov lax luôv cà phê Sơn La shông 2026, tsi njênhk cxiv tsa bê lax luôv, huôv tsar hax huv, kriz đar cêr lax luôv muk oz chas têz, paz hnuz grâuv pax Cà phê Sơn La jias tiv oz yênhx côngz.