Côngv jias cơưv muôx têx đồng chí: Dương Tú Anh, Ủy viên Ban Thường vụ Tỉnh ủy, Chủ nhiệm Ủy ban Cxênhz yuôx Tỉnh ủy; Nguyễn Thành Công, Phó Chủ tịch UBPX tỉnh; têx thành viên Ban Chox car 333 thiaz thơưx car iz cxia sở, ngành cik txos.

Ban Chox car 333 tâu tsa tơưv trơưk Quyết định số 333-QĐ/TU hnuz xiaz 8/5/2026 ntơưv Ban Thường vụ Tỉnh ủy, muôx hâux lưv chox car lês 3 nghị quyết ntơưv Ban Chấp hành Đảng bộ tỉnh, li: Nghị quyết số 05-NQ/TU lok sâuv huôv tsar kôngz lông truôx njês đros trâu tsuôv cuô, tsưx tsês kôngz txir nox; Nghị quyết số 13-NQ/TU lok sâuv đơưk têx cêr phiv liv, chor nhov, saiz car, sir zôngv têx ar chos kôngz, ar har jôngr; Nghị quyết số 14-NQ/TU lok sâuv cxênhz, yaik têx zis pêx xênhv nhoz thax tsav nziv đêx cuôr, tox poz muk nhoz trâu qơư nhaz xênhz.

Lês Nghị quyết số 05-NQ/TU, tỉnh tror moz siaz uô kôngz lông trơưk faz huôv tsar têx qơư chos, đros trâu tsuôv cuô, tsưx tsês thiaz kriz đar qơư muôs hax huv. Hur si tỉnh tsưx truôx 80.600 ha ntông nox txir, xav sâu tâu 521.500 tấn; yax 44.000 ha cà phê, xav sâu tâu zuôr luôs 51.000 tấn nôngz. Tưz số hóa dữ liệu kria pâuz qơư chos txâuk chai EUDR trâu yax 6.731 ha cà phê; tsưx truôx 169 mã số kria pâuz qơư chos, hâu ntơư 152 mã số chia muôs muk trâu oz chas têz.

Haik txos Nghị quyết số 13-NQ/TU, tỉnh tưz moz siaz đơưk têx cêr phiv liv hâur saiz car, sir zôngv 18.851 ha ar zos têx công ty kôngz lông, har jôngr zok lok trâu thax tsav; fuô lês jông hâux lưv cxênhz yuôx, sir zôngv têx ar. Txos nhiv no, tưz lês tiar hâux lưv cxênhz ar mênhx pêv ntơưv 5/7 công ty.

Lês Nghị quyết số 14-NQ/TU, tỉnh tưz cxênhz 80 thax qơư ntơưv 35 xã, phường nziv muôx đêx cuôr, tox poz, đêx nhaz thiaz tuôr xav yaik muk nhoz qơư yiaz. Tưz uô yiaz 7 dự án trâu 222 zis nhoz; tror fuô lês 6 dự án chia hlôngr 254 zis muk nhoz.

Hâur jias cơưv, têx đại biểu tưz moz siaz đơưk têx cêr phiv liv, chor nhov hâur ntu lês 3 nghị quyết, yax hlo zos huôv tsar tsưr ziv uô kôngz, tsuôv cuô, tsưx tsês, tuôr xav mênhx têx ar kôngz lông, har jôngr; yaik zênhx max pêx xênhv njiz cêr phiv liv muk nhoz trâu qơư yiaz. Têx đại biểu cux muôx ndâux luk trâu ntâuz ntơưr Đề án yaik têx nhux tso cuô mik ntơưv phường Vân Sơn thiaz phường Thảo Nguyên muk nhoz trâu qơư yiaz. Trơưk tsov xav ntơưv Đề án, muôx 124 zis đros trâu 5.042 tus nhux tso cuô mik zuôr tsuv yêv muk nhoz qơư yiaz. Têx ndâux luk moz siaz trâu cêr chai cxơưz paz thiaz têx hâux lưv paz max cxiv tsa luz nênhx truôx njês tov kaz ntơư.

Muôx luk hâur jias cơưv, đồng chí Cuôv Xênhv Tsaz cxiz cov cơ quan thường trực Ban Chox car sâu đại biểu têx ndâux luk tsês, lês tiar ntâuz ntơưr xa trâu Ban Thường vụ Tỉnh ủy. 

Haik txos Đề án yaik têx nhux tso cuô mik, đồng chí cxiz cov cxiv tsa đuô Đề án, cxênhz hur si têx hâux lưv cov mênhx pêv; cxiv tsa cêr chai cov fiv huv, tsi njênhk fuô lês cov sai, trơưk đraiv cêr chai thiaz paz trâu têx tsưr tsiax luz nênhx truôx njês.

Ban Chox car thôngx iz trôngs luk cxiv kho đuô paz pơưs, cxaz nzir Tổ zok nriar tsưr ziv yiaz ntơưv Tỉnh ủy côngv trâu hâur Ban Chox car; Sở Kôngz lông thiaz Môi trường zos cơ quan thường trực. Hâur 3 hli kaz shông, Ban Chox car zuôr lês hâux lưv cxênhz Nghị quyết số 13-NQ/TU thiaz Nghị quyết số 14-NQ/TU ntơưv têx thax tsav, zênhx max cxiz, đơưk cêr phiv liv, chor nhov hâur ntu fuô lês.