Nhiv no, txir khơưz kaz jiz tưz yênhx zav ntông nox txir tâu chos ntâu ntơưv xã Yên Sơn zuôr luôs nto 630 ha, paz pêx xênhv sâu nju nhiax txiax, cxơưz cxiv luz nênhx. Taz sik, hâur ntu chos thiaz muôs txir khơưz cux tsênhv njiz ntâu cêr txov nhêv li: Chos iz kror mê njik, tsik tâu siz khov truôx, tsik tâu sir zôngv khoa học kỹ thuật thiaz hlôngr số paz max; tsik tâu uô ntâu zav huv, cêr lax luôv tsik tâu truôx njês; hâux lưv cxiv tsa bê lax luôv, mã kria qơư chos tsênhv phiv liv ntâu zav.

Ntơưv jias saz lax, têx đại biểu tưz tsi njênhk saz lax têx njiaz luk, li: Tuôr xav huôv tsar cov truôx njês đros đraiv zôngv chuôz zênhz jông tu txir khơưz tỉnh Sơn La ntu 2026-2030; têx zav paz max txir khơưz kaz jiz Sơn La; zôngv kỹ thuật yiaz tu txir khơưz kaz jiz, txâuk chai muôs muk oz chas têz qơưk; tuôr xav huôv tsar txir khơưz kaz jiz hur, hữu cơ thiaz truôx njês; siz khov tu cov jông gri, uô tơưv ntâu zav huv muôs; cxiv tsa thiaz huôv tsar bê lax luôv “Txir khơưz kaz jiz Yên Sơn”; Sir zôngv khoa học kỹ thuật thiaz hlôngr số paz max, muôs kôngz lông; khov cov cxiv tsa cêr chai chia huôv tsar…

Cux jias no, têx đại biểu tưz siz chos saz lax têx tsưr ziv cxiv tsa cêr chai paz max cov huôv tsar; paz pênhr thiaz paz khoa học kỹ thuật, huôv tsar lax luôv txir khơưz kaz jiz Yên Sơn, nju, jông gâux thiaz muôs tâu gri trâu ntu zuôr txos.