Nhiv no, tỉnh Sơn La muôx 696.873 ha ar har jôngr, txênhz zuôr luôs 50% đêx ar; tyv tsôngv jôngr nzôngr nzông tox trôngz hâur pêk 47,43%, zos iz hâur têx thax tsav muôx ar har jôngr ntâu sơưr tiv 3 Thax tsav ntar jas thiaz tox siaz Kâuv têz. Đros trâu muôx ntâu har jôngr thiaz ar har jôngr, xênhz txơưv các-bon jôngr ntơưv tỉnh lok six muôx ntâu. Tỉnh Sơn La tưz chox car cxuô sở, ngành cxiv tsa Đề án uô lax luôv tín chỉ các-bon jôngr; fuô lês hâux lưv cxênhz yuôx jôngr, cxênhz yuôx chor các bon jôngr hâur har jôngr; fuô lês têx dự án chos jôngr, cxiv kho đuô thiaz huôv tsar jôngr tsik tsês tu jông các bon; tsik so gruô hu têx tổ chức hâur têz qơưk đros têx tổ chức ntiax têz li: CARE, EU, GIZ thiaz GCF fuô lês têx hâux lưv hlôngr yiaz tsưr ziv tín chỉ các-bon jôngr, cxênhz yuôx xênhz txơưv, kriz jias kria pâuz tsưr ziv suôr các-bon thiaz cxênhz yuôx kror xênhz txơưv huôv tsar tín chỉ các-bon jôngr hâur thax tsav tỉnh…Fuô lês dự án C4G “Paz tsưr ziv sir jos cxiv tsa cêr pâuz uô trơưk tsưr ziv grêk tsơưs têx txuz đêx ar huôz chuô cêr ruôr hiav thiaz gruô hu côngv ntâu nhiax pênhr chia por hưv jôngr, hâur ntơư muôx cêr lax luôv các bon jôngr hov jông"...

Ntơưv jâus no pos Sasha Oliveira, Bí thư tiv iz, Đại sứ quán Canada ntơưv Việt Nam tưz uô tsâus ntâu viv uô jông taz paz côngz xưv, côngv đros siz chos uô hâux lưv muôx kaz hâu, truôx njês mak tỉnh Sơn La tưz paz trâu Canada. Đhâu no paz côngz xưv tưz pâuz mênhx đuô xênhz txơưv các-bon har jôngr cux li têx tsov xav, kror paz uô ntêx ntơưv tỉnh hâur côngz xưv saiz car, por hưv thiaz huôv tsar jôngr. Pos Sasha Oliveira xar cov tỉnh Sơn La tror paz têx tsêr luôv Canada txơưx pâuz, siz khov fuô lês têx hâux lưv, dự án, sir jos cxiv tsa cêr lax luôv carbon ngành har jôngr jông, mênhx pêv thiaz hlôngr yiaz fiv huv đêx ar huôz chuô txơưr txar. 

Fuô luk jâus no, đồng chí Phó Chủ tịch UBPX tỉnh haik mênhx: Tỉnh Sơn La chos luk tror hlôngr yiaz hâux lưv cxưx nhiax, uô luôv trơưk faz ndax ndênhk, mênhx pêv, nhaz xênhz thiaz vax huôv siz luôs; tưx kria pâuz xor mông, paz njuôk tsov kror qơư, txuôk cxuô kror qơư huôv tsar kôngz txir nox, choz kria tiz nênhs cơưv uô hâux lưv thiaz txo tsơưs ntâuz ntơưr zos chai. Têx dự án txâuk chai tâu fuô lês cxix cxuô cêr chai paz zos li Việt Nam cêr chai. Đros ntơư, xar cov Đại sứ quán Canada ntơưv Việt Nam thiaz tổ chức CARE tror đros tỉnh Sơn La fuô lês têx hâux lưv, dự án; đhâu no paz tỉnh Sơn La huôv tsar har jôngr truôx njês, muôx ntâu zav muôx gri, zos qơư chuôz zov chênhr cxơưz hlôngr yiaz nhiax txiax zênhv hnuz zênhv huôv tsar.