Tập đoàn Cxiv puôz Thái Bình Dương tâu cxiv tsa txix shông 1986, zos iz hâur oz công ty tâu Viện Tsov xav Trang Nghiêm saiz car thiaz sơưr hâur 500 tsêr luôv lox yax ntiax têz yax 10 shông siz lơư lias. Tập đoàn txơưx uô têx hâux lưv cxiv puôz txox cêr yêz muk chênhr, thax tsav muôx pêx xênhv nhoz chôngz, njưs tâur đêx, cxiv puôz vax tsêr thiaz xuôk máy uô. Tập đoàn tưz cxưx nhiax uô, cxiv puôz, saiz car yax 1.000 thành phố, đros yax 3.000 thax tsav muôx pêx xênhv nhoz chôngz thiaz thax tsav xuôk máy uô trơưk têx tsưr ziv BT, BOT, EPC, F+EPCO, PPP thiaz têx tsưr ziv siz khov cxưx nhiax uô hlôngr yiaz txơưr.

Ntơưv jias uô hâux lưv, oz tos tưz saz lax lok sâuv têx hâux lưv siz khov, moz siaz huôv tsar cêr muk lok thiaz đrôngs lox; cxiv puôz vax tsêr hlôngr yiaz, siz luôs jok, đhâu no paz cxơưz huôv tsar nhiax txiax, xã hội thax tsav. 

Đồng chí Chủ tịch UBPX tỉnh lok six shir phaz tâu taz thiaz đros Paz côngz xưv ntơưv Tập đoàn Cxiv puôz Thái Bình Dương tuôx shuôk thiaz uô hâux lưv trâu tỉnh Sơn La; đros ntơư tsênhv kria pâuz iz cxia xênhz txơưv, cêr muôx liv lok sâuv đêx ar huôz chuô, cêr lax luôv ntơưv tỉnh cux li hâux lưv uô tâu hâur huôv tsar nhiax txiax- xã hội. Đồng chí cux kruôk trâu kror nto mông, txơưx uô nox ntơưv Tập đoàn hâur fuô lês têx dự án lox nhoz cxuô luz têz qơưk; đros ntơư nhav nxiak tỉnh Sơn La zuôr paz tas jos trâu têx tsưr tso pênhr uô muôx ntâu nhiax txiax, txơưx zôngv chuôz zênhx jông thiaz saiz car nhiax txiax tuôx shuôk, tsov xav thiaz siz khov cxưx nhiax uô muôx kaz hâu ntêr shông hâur thax tsav.

Hlôngr njêx muôs Tập đoàn Cxiv puôz Thái Bình Dương, zơưs Nghiêm Giới Hòa tưz uô tsâus kror moz siaz taz ntơưv đồng chí Chủ tịch UBPX tỉnh. Hâur ntu đhâu, tập đoàn tưz fuô lês yênhx côngz ntâu dự án cxiv puôz cêr muk lok trâu têx tỉnh, thành saz tos Kâuv têz thiaz tâu cấp ủy, nov hâu têx thax tsav kruôk nxiak. Đhâu cxênhz, Tập đoàn tưz kruôk trâu tỉnh Sơn La têx xênhz txơưv, kror muôx liv cux li hâux lưv uô tâu hâur huôv tsar nhiax txiax ntu đhâu. Đros ntơư, xar cov tỉnh Sơn La paz trâu Tập đoàn tâu fuô lês têx dự án cxưx nhiax cxiv puôz vax tsêr, cêr muk lok, cxơưz huôv tsar nhiax txiax- xã hội, gruô hu tso pênhr uô hâur tỉnh.