Ntu 2021–2025, Lês têz qơưk luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz hâur thôngz tỉnh tưz uô tâu ntâu zav hâux lưv tsênhv chênhz, chia cxơưz pêx xênhv luz nênhx tâu jông, huôv tsar nhiax txiax - xã hội thax tsav tox siaz. Tas nro, cxuô zav pênhr uô 10 dự án yênhx phênhv hâur têz qơưk luôs hâux lưv 1719, zôngv yax 5.813 tỷ nhiax. Cxuô sở, ngành thiaz cxuô qơư tưz lês sai cxuô dự án, tiểu dự án. Txos nhiv no, thôngz tỉnh tưz zok tas yax 4.734 tỷ nhiax, tiar 82% têx nhiax xav zok. Têx cêr yêz tror tâu cxưx nhiax uô siz luôs. Yax 98% xã muôx cêr yêz lox txos ntuô đrôngs tâu luôv trox ntôngk thiaz bê tông; yax 78% jok muôx cêr yêz lox muk txos đruôz jok, tâu lênhv khor kho; yax 99% ziv pêx xênhv tâu zôngv điện têz qơưk nhaz xênhz; yax 97% pêx xênhv jêx jok tâu zôngv đêx hur. Cxuô cêr chai choz kria phênhv ntâu lês tâu trơưk đraiv chai; lês jông côngz xưv tu đas jos thiaz paz pêx xênhv sơưr đơưk muôx txâuk sir zôngv.

Hlôngr njêx muôs cxuô sở, ngành, cxuô qơư tưz siz chos saz lax, cxênhz yuôx thiaz cxaz nzir têx njiz luk hâur ntu 2026–2030. Tsênhv chênhz mak têx tsưr ziv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz; lês jông luôs hâux lưv cxiv tsa jêx jok yiaz thiaz têx hâux lưv têz qơưk txo cêr pluôs truôx njês, trơưk đraiv têx cêr chai yiaz ntơưv Trung ương fiv huv cxuô thax tsav.

Ntơưv jias cơưv, đồng chí Phó Chủ tịch UBPX tỉnh Đặng Ngọc Hậu cxiz cxuô sở, ngành, cxuô qơư zênhx max cxênhz têx cêr chai zok pênhr trơưk đraiv chai chia lês têx hâux lưv têz qơưk. Trơưk đraiv têx chai njuôk tsov ntơưv Trung ương, lar haik mak têx cêr chai yiaz ntơưv Chính phủ thiaz Thủ tướng Chính phủ, cxuô cơ quan chuyên môn saz lax trâu UBPX tỉnh piar mênhx trâu HĐPX tỉnh fuô Nghị quyết chia lês hâux lưv. Đros ntơư, tror cxênhz mênhx cxuô zav hâur têx dự án, têx hâux lưv tuôr xav zuôr lês hâur ntu zuôr txos; jav lês uô ntêx têx dự án chênhr zuôr tsuv uô sai chia huôv tsar nhiax txiax - xã hội, tsik lav tâuk lav khov uô iz kro mê njik cxuô qơư, tsik tsênhv chênhz. Đros ntơư, cxuô đơn vị zuôr tsuv uô jông saiz car, bax tiar cxuô zav ntơưr trơưk đraiv cêr chai, uô sai cxuô zav tưz tâu zok nhiax. Tsik tas li, cxiz tsik so thiaz cxênhz zênhx max cxuô zav chia đơưk têx cêr phiv liv thâuv lês.