Shông 2026, hur si nhiax lês têz qơưk luôs hâux lưv hâur thax tsav tỉnh mal yax 4.700 tỷ đaiv; hâur ntơư, têx nhiax tâu zok mênhx pêv 3.300 tỷ đaiv, tâu yax 70%. Hur si têx nhiax tâu zok trâu 71 tsưr cxưx nhiax, muôx 48 UBPX têx xã, phường; 15 ban saiz car dự án; 8 tsưr cxưx nhiax txơưr.

Hâux lưv muôz nhiax lês nuv xav txos hnuz 15/4/2026, hur si tỉnh tâu yax 543 tỷ đaiv, bâuv 11,4% hur si cêr tuôr xav nhiax tâu zok, bâuv 16,23% cêr tuôr xav nhiax zok mênhx pêv. Hâur ntơư, UBPX têx xã, phường, têx nhiax muôz lês hâux lưv tâu 41,23% cêr tuôr xav nhiax tâu zok; têx ban saiz car dự án muôz nhiax cxiv puôz tâu 16,86%; têx tsưr cxưx nhiax txơưr tâu 6% cêr tuôr xav pênhr. Luz cênhz phênhv ntâu zos têx đơn vị, tsưr cxưx nhiax tsik tâu moz siaz chox car lês hâux lưv, uô tsik tâu tiar hâux lưv muôz nhiax lês nuv; côngz xưv yaik pêx xênhv nhoz trâu qơư yiaz tsênhv kênhz; đros ntơư, gri trox yêz, trox a tsar siaz, phiv liv txos trâu hâux lưv thâux hax huv, tuôv thênhv lês dự án tsik tâu trơưk cêr tuôr xav.

Hâur jias cơưv, thơưx car têx sở, ban, ngành ntơưv tỉnh tưz kria pâuz hâux lưv fuô lês nuv trơưk vax huôv; đros ntơư saz lax, têz mênhx têx tsưr cxưx nhiax têx ndâux luk khov, paz đơưk têx cêr phiv liv hâur ntu fuô lês hâux lưv. Njiaz luk moz siaz txos trâu hâux lưv cxênhz yuôx, tuôr xav hệ số K (hệ số kho đuô gri ar) hâur yaik pêx xênhv nhoz đuô qơư yiaz; thiaz têx tsưr ziv lês sai hâux lưv muôz nhiax lês nuv.

Têx tsưr cxưx nhiax cux kria pâuz hâux lưv yaik pêx xênhv nhoz trâu qơư yiaz, hâux lưv fuô lês têx dự án thiaz hâux lưv muôz nhiax lês nuv; kria pâuz têx cêr phiv liv, chor nhov hâur ntu fuô lês, đros ntơư tso tơưv têx tsưr ziv đơưk hâur ntu zuôr txos, yax hlo zos têx dự án tuôr thênhv ntêr hnuz.

Câuk luk jias cơưv, đồng chí Nguyễn Minh Tiến cxiz cov têx sở, ban, ngành tror lês ntov nti, cxix cxuô têx hâux lưv, tsưr ziv trơưk nghị quyết ntơưv Chính phủ thiaz UBPX tỉnh lok sâuv moz siaz muôz nhiax lês hâux lưv têz qơưk shông 2026. Hâu ntơư, moz siaz lês sai hâux lưv yaik pêx xênhv nhoz đuô qơư yiaz; bax cxix cxuô zav chia muôz pênhr lês hâux lưv trơưk đraiv cêr chai; tsik muôz nhiax trâu têx dự án tsik fiv huv, chia sir zôngv nhiax ntơư trâu têx dự án zov chênhr.

UBPX têx xã, phường sir jos lês jông côngz xưv fuô kria, zaz zâuv chia cov pêx xênhv jông siaz zok ar chia lês hâux lưv; moz siaz lês tiar têx cêr chai thêv nhiax cov zênhx max, iz thênhv jux juk zok ar trâu têx đơn vị lês hâux lưv.

Haik txos têx nênhs lês hâux lưv, zuôr tsuv moz siaz cxiz nênhs, sir zôngv hur si têx chuôz zênhx chia lês hâux lưv ntơưv têx qơư tưz tâu zok ar; lês tiar sai hâux lưv chia thêv nhiax trơưk đraiv cêr tuôr xav; đros ntơư lês ntiv nti têx cêr chai chos luk hâur ntâuz ntơưr, tu ntov nti têx nênhs cxâuv chai, lês hâux lưv kênhz, tsik tâu jông...