Trơưk Bộ Choz kria ntơưr, hâur ntu 1 shông 2025, têx thax tsav tưz cxiv puôz 108 yar cơưv ntơưv 19 tỉnh, thành phố; hâur ntơư muôx 100 yar cơưv nhoz hâur hâux lưv cxưx nhiax uô zov chênhr trơưk chox car ntơưv Bộ Chính trị. Đros ntơư, shông 2026 tror cxưx nhiax uô 121 luz yar cơưv trâu 17 tỉnh, thành phố. Têx thax tsav taz tov zênhx max sir jos uô cov tiar, yaik qơư nhoz yiaz thiaz uô tiar ntâuz ntơưr cxưx nhiax uô. Txos nhiv no, 99/100 luz yar cơưv hâur ntu 1 tưz uô tiar yênhx côngz côngz xưv yaik qơư nhoz yiaz; 25 yar cơưv taz tov tâu uô tiar. 

Đồng chí Phó Chủ tịch Thường trực UBPX tỉnh tưz kria pâuz hâux lưv cxiv puôz yar cơưv trâu têx xã đriv têz ntơưv tỉnh Sơn La. Trơưk ntơư, chia uô tiar hâux lưv zos li Trung ương ndâux luk chox car, tỉnh Sơn La tưz fuô lês ntov nti siz luôs jol ntâu tsưr ziv; txuôs jông jias cơưv yênhx tuần chia pâuz mênhx yênhx dự án kror uô tâu txos tưs; kriz jâus gruô hu “Sir jos cxiv puôz tiar yar cơưv trâu têx xã đriv têz” thiaz “Jias sik tưr 100 hnuz hmo”. Txos nhiv no, têx dự án taz tov tâu fuô lês zênhx max, uô tâu txix 42% - 79%, hâur ntơư muôx 3 yar cơưv uô tâu yax 70%; 1 yar cơưv uô tâu yax 60%; 5 yar cơưv uô tâu yax 50%; 4 yar cơưv uô tâu yax 40%. Hâux lưv bax txưv uz no chia sir zôngv yar cơưv tov kaz tâu uô tiar taz tov tâu moz siaz chox car fuô lês, nhav nxiak uô tiar zos cêr tuôr xav.

Ntơưv jias cơưv, cxuô bộ, ngành thiaz thax tsav cux kria pâuz ntâu txov nhêv, khuôv đais cik txos côngz xưv yaik qơư nhoz yiaz, tsik muôx txưv chuôz zênhx, tiz nênhs cxiv puôz trâu thax tsav tox siaz, đêz đrôngs; đros ntơư khov Chính phủ thiaz têx bộ, ngành tror paz nhiax pênhr, cêr chai thiaz kria pâuz đơưk tâu sai têx ntâuz ntơưr cêr chor nhov chia uô tiar têx yar cơưv uô ntêx shông cơưv yiaz.

Câuk luk Jias cơưv, Bộ trưởng Hoàng Minh Sơn haik mênhx: Hâux lưv cxưx nhiax cxiv puôz yar cơưv ntơưv têx xã đriv têz zos cêr chai lox hloz ntơưv Đảng, Têz qơưk chia cxơưz cêr pâuz ntơưr, huôv tsar tiz nênhx txơưx njê trâu thax tsav hair nênhs tsơưs, paz tsưx truôx thax tsav đriv têz nhoz njias to. Bộ trưởng cxiz cov têx thax tsav tror moz siaz zênhx max sir jos cxiv puôz tiar, saiz car, cxênhz yuôx ntov nti têx dự án; tưx cxiv tsa tsưr ziv gruô hu hur si ntâu zav pênhr cias ntơưv qơư, gruô hu têx jias sik tưr, sir jos uô tiar têx yar cơưv zos cêr tuôr xav. Đros ntơư, bax txưv cxix cxuô uz no lok sâuv cưk kria, cán bộ saiz car, tsưr ziv xair shuv xênhz cơưv, nhav nxiak sir zôngv cias yar cơưv tov kaz tâu uô tiar.