Jias uô hâux lưv muôx nov chox car cxuô sở, ban, ngành ntơưv tỉnh; Tsêr Nhiax thax tsav 3, Sê tỉnh, Chi cục Hải quan Sơn La, Thống kê Sơn La; Công ty điện đêx Sơn La thiaz Trung tâm Huôv tsar pênhr ar tỉnh.

Shông 2026, trơưk xav sâu nhiax têz qơưk hâur thax tsav tỉnh tâu Trung ương zok sâu 4.756 tỷ, HĐPX tỉnh zok sâu 5.050 tỷ. Txos hnuz 15/8, tas nro têx nhiax têz qơưk sâu tâu 3.370 tỷ, ntâu mê njik 70% Trung ương zok, ntâu mê njik 66% trơưk HĐPX tỉnh zok thiaz tiar 98% njuôk li shông uô ntêx.

Trơưk têx nhiax sâu hâur luz 8 hli thiaz tuôr xav têx luz hli kaz shông, Sê tỉnh xav têx nhiax têz qơưk zok sâu hâur thax tsav shông 2026 zuôr tâu 5.750 tỷ, ntâu đuô 120% Trung ương zok thiaz 113% HĐPX tỉnh zok.

Ntơưv jias uô hâux lưv, têx đại biểu tưz siz chos saz lax hâux lưv sâu nhiax têz qơưk shông 2026; iz chas ntơư, cux khov cov siz chos đơưk têx cêr phiv liv, sâu cov tiar nhiax têz qơưk zok shông 2026 thiaz bax sâu nhiax têz qơưk shông 2027.

Shông 2027, trơưk Sê tỉnh piar mênhx, têx ndâux luk saz lax ntơưv Cục Sê lok sâuv bax sâu nhiax Têz qơưk, Cục Sê xav têx nhiax zuôr sâu hâur thax tsav tỉnh zos 7.005 tỷ, siaz yax 1.211 tỷ 5 njuôk li xav sâu 5.793 tỷ 5 uôk Sê tỉnh khov.

Ntơưv jias uô hâux lưv, đồng chí Nguyễn Đình Việt cxiz Sê tỉnh chox car, đros cxuô sở, ngành, UBPX cxuô xã, phường siz chos njuôk tsov ntov nti Chai Sê thiaz têx cêr chai têz qơưk cik txos; sir jos njok lês jông côngz xưv saiz car hâux lưv sâu nhiax hâur thax tsav, tsênhr cov sâu txưv trơưk đraiv cêr chai Têz qơưk, sâu tsar nzir chia zôngv cxơưz cêr huôv tsar, lês têx cêr chai paz pêx xênhv sơưr đơưk cov muôx txâuk sir txâuk zôngv, huôv tsar nhiax txiax - xã hội, tsưx hưv truôx cêr nhaz xênhz têz qơưk, đros oz chas siz khov.

Tỉnh sir jos sâu nhiax sê, cxuô zav gri, lar haik yax mak uô nox uô hâuk, uô lax luôv ntơưv têx tsêr luôv thiaz sê (VAT), iz chas ntơư txo tsơưs jux juk têx nhiax sâu txix ar. Txix no muk, cxuô cơ quan, tsêr luôv tror đros tỉnh lês jông hâux lưv sâu nhiax hâur thax tsav, chia cxơưz nhiax txiax - xã hội huôv tsar.

Hok hâux lưv bax sâu nhiax shông 2027, Chủ tịch UBPX tỉnh cxiz cxuô sở, ngành, hâur ntơư Sở Tài chính saz lax paz tỉnh uô têx ntâuz ntơưr piar mênhx trâu Bộ Tài chính, Cục Sê phênhz mênhx chia cir, fiv huv tỉnh.